O‘zbekiston banklari kiberhujumlar va ma’lumotlarni o‘g‘irlashdan himoya qilish uchun qancha mablag‘ sarflashadi
Raqamlashtirishning o‘sishi bilan bir qatorda, O‘zbekiston banklari kiberhujumlar va ma’lumotlarni o‘g‘irlashdan himoya qilish uchun axborot xavfsizligiga sarmoya kiritishi kerak. Bu mavzu 29-iyun kuni «Banklarda raqamli transformatsiya: ta’lim bilan o‘zaro hamkorlik» mavzuidagi xalqaro ilmiy-amaliy konferensiya davomida muhokama qilindi.
TBC Bank boshqaruvi raisi Spartak Tetrashvili o‘z nutqida O‘zbekistonda moliya instituti qanday rivojlanayotgani haqida gapirdi. Uning so‘zlariga ko‘ra, bank jismoniy xavfsizlikni ta’minlash uchun kam resurslarga muhtoj. Biroq ma’lumotlarni himoya qilish uchun ko‘proq vositalar talab qilinadi. Sabablari haqida gapirar ekan, boshqaruv raisi bankning raqamli tizimlarini buzish xavfi mavjudligini ta’kidladi.
«Biz har yili bunday xavf-xatarlardan himoyalanish uchun bir necha million dollar sarflaymiz», dedi bank rahbari.
Mybank boshqaruvi raisi Ulug‘bek Tavakkalov banklardan biriga DDoS hujumi uyushtirilgani haqida ma’lumot berdi. Natijada mijozlar uning xizmatlaridan foydalana olmadilar. Bundan moliya instituti rahbari axborot xavfsizligiga sarmoya kiritish zarur degan xulosaga keldi. Bunga ehtiyoj kuchayadi, deb hisoblaydi u.
Humo rahbari Shuxratbek Kurbanov qoʻshimcha qilishicha, bankning axborot xavfsizligiga kiritgan sarmoyasi miqdori moliya institutining katta yoki kichikligiga qarab farq qilishi mumkin. (Masalan, TBC 2024-yil 1-iyun holatiga ko‘ra aktivlari bo‘yicha O‘zbekiston Respublikasi banklari orasida 22-o‘rinni egalladi – «Kursiv»). Ammo yana bir muhim masala bor – kadrlar tayyorlash, chunki firibgarlikka qarshi tizim yoki boshqa zarur himoya dasturini sotib olishning o‘zi yetarli emas. Bularning barchasini boshqarish uchun malakali kadrlar kerak. O‘zbekiston bozorida bunday mutaxassislar yetarli emas, dedi u.
«Men bu masalaga kadrlar nuqtai nazaridan qaragan bo‘lardim. Universitetlardan ham ushbu yo‘nalishni ko‘rib chiqishlarini so‘raymiz. Yo‘nalish kichik bo‘lib tuyulishi aniq, lekin aslida u keng. Talab katta bo‘ladi, o‘sadi», deya xulosa qildi Shuxratbek Kurbanov.
Avvalroq «Kursiv» ilmiy-amaliy anjuman davomida O‘zR banklarida talab qilinadigan kasblar ham muhokama qilingani haqida xabar bergan edi.
