Poytaxtda issiqlik va issiq suv ta’riflari narxlari oshirilishi rasman tasdiqlandi

Xalq deputatlari Toshkent shahar kengashi Veolia Energy Tashkent kompaniyasi tomonidan poytaxt uchun belgilangan issiqlik ta’minotining yangi narxlarini tasdiqladi. Bu haqda kengash qarori qabul qilindi.

Unga ko‘ra, narxlar quyidagicha belgilandi:

• bazaviy tarif (QQSsiz) 711 641 so‘m/Gkal;
• aholi uchun (QQSsiz) 139 860 so‘m/Gkal;
• budjet tashkilotlariga 952 797 so‘m/Gkal;
• boshqa ulgurji xizmatlar ko‘rsatuvchi tashkilotlarga (QQSsiz) 342 296 so‘m/Gkal.

Ayni paytda aholi uchun 1 Gkal issiqlik narxi qo‘shilgan qiymat solig‘isiz (QQSsiz) 121 ming 617 so‘mni tashkil etadi.

Bundan oldin, 1-oktabridan boshlab poytaxtda issiq suv va issiqlik ta’minoti tariflari 15 foizga oshirilishi rejalashtirilayotgani haqida xabar berilgandi.

Avvalroq Kursiv Uzbekistan 10-sentabrdan Toshkent viloyatida issiq suv va isitish xizmatlari tarifi oshishi haqida ham yozgandi.