Kvartira uchun minimal to‘lov miqdori qancha

Oʻzbekistonda koʻp kvartirali uylarda umumiy mol-mulkni saqlash, undan foydalanish va uni ta’mirlash hamda koʻp kvartirali uyga tutash yer uchastkasini obodonlashtirish uchun majburiy badallar yoki toʻlovlarning eng kam miqdorlari belgilandi. Bu haqda Qurilish va uy-joy kommunal xoʻjaligi vaziri Botir Zokirovning 15-apreldagi buyrugʻida ma’lum qilindi.

Unga koʻra, Toʻlovlar binodagi qavatlar soniga bogʻliq. Quyida Toshkent shahri uchun uy-joyni saqlashning minimal toʻlovlari bilan tanishishingiz mumkin. Masalan, Toshkent shahridagi kommunikatsiyalari bor besh qavatli uylar uchun tarif 1 kvadrat metr uchun 1512-1514 so‘mni tashkil etadi.

Avvalroq qurilish va uy-joy kommunal xoʻjaligi vazirligi «Mening uyim» billing tizimida hisob-kitoblarda yuzaga kelishi mumkin boʻlgan chalkashliklarga yoʻl qoʻymaslik uchun 2024-yil 1-maydan boshlab eng kam tarifni qoʻllash tavsiya etilishini tushuntirgan edi.

Boshqa hududlar uchun summalar qurilish va uy-joy kommunal xoʻjaligi vazirining buyrugʻida koʻrsatilgan.

Avvalroq «Kursiv» Toshkentda fevral oyida koʻchmas mulk bozorida faollikdan soʻng mart oyida 20,7 foizga pasaygani haqida xabar bergan edi.