O‘zbekistonlik futbolchi Abduqodir Husanov Fransiyaning «Lans» klubining 2024-yildagi eng yaxshi futbolchisi bo‘ldi, deb xabar bermoqda O‘zA.
Klub muxlislari o‘rtasida o‘tkazilgan so‘rov natijalariga ko‘ra, Husanov 77 foiz, uning jamoadoshlari Bris Samba va Kevin Danso mos ravishda 15 va 9 foiz ovoz olgan.
Eslatib o‘tamiz, Husanov 2023-yilda Fransiyaning «Lans» klubiga o‘tgandi. Transfer narxi 100 ming yevroni tashkil qilgandi.
Transfermarkt portali xabariga ko’ra, o’zbekistonlik futbolchining transfer qiymati o‘tgan yilning 10 dekabr holatiga ko‘ra 12 million yevroga yetgan.
Avvalroq Kursiv Uzbekistan nashri Abbosbek Fayzullayev 2024-yildagi Oʻzbekistonning eng yaxshi futbolchisi deb topilgani haqida yozgan edi.
