Yangiliklar

Xiaomi yangi avlod aqlli konditsioneri — Mijia Air Conditioner Pro modelini taqdim etdi. Bu haqda Gizmochina nashri ma’lum qildi.

Yangi qurilma inson harakatini aniqlash, energiyani tejash, ekstremal haroratlarda ishlash va aqlli uy tizimlariga ulanish imkoniyatlari bilan ajralib turadi. Uning narxi taxminan $550.

Asosiy xususiyatlari:

Yangi Mijia Pro modeli ikkita mmWave radari orqali real vaqtda inson mavjudligini aniqlaydi. U xonada odam bor-yo‘qligini kuzatib, havo oqimini unga mos ravishda yo‘naltiradi. Agar xona bo‘sh bo‘lsa, qurilma kam quvvat rejimiga o‘tadi, odam qaytganda esa avtomatik tiklanadi. Xiaomi ushbu aqlli boshqaruv tizimi yiliga 361 kVt/soat energiyani tejashini bildiradi.

Sovutish va isitish quvvati:

Toshkent shahridagi «Beshqo‘rg‘on» bozorining («Risoviy» bozori) binolari va yer maydoni E-auksion savdo platformasi orqali auksionga qo‘yildi.

Davlat aktivlarini boshqarish agentligi (DABA) tomonidan savdoga qo‘yilayotgan obyekt «Farg‘ona» yo‘li va «Abdurauf Fitrat» ko‘chalari kesishmasida joylashgan bo‘lib, umumiy maydoni 0,26 gektarni tashkil etadi.

Lotning boshlang‘ich narxi 15,94 mlrd so‘m etib belgilandi. Arizalar 28-aprel kuni soat 09:00 gacha qabul qilinadi, natijalar esa 10:00 da e’lon qilinadi.

Rejalarga ko‘ra, bu yerda zamonaviy savdo majmuasi, «eko-bozor», ko‘ngilochar maskanlar, biznes markaz, ofis va xizmat ko‘rsatish maydonlari, shuningdek, avtoturargoh qurilishi mo‘ljallangan. Qurilish ishlari maxsus loyihalash tashkiloti tomonidan ishlab chiqilgan master-reja asosida amalga oshiriladi.

Avvalroq «Kursiv...

Nvidia kompaniyasi o‘z tarixida ilk bor sun’iy intellekt uchun mo‘ljallangan superchiplar ishlab chiqarishni AQShda yo‘lga qo‘ydi. Bu haqda kompaniya rasmiy sahifasida ma’lum qilindi.

Unga ko‘ra, yangi Blackwell chiplarini Tayvanning TSMC kompaniyasi Arizonadagi zavodida ishlab chiqarmoqda. Bundan tashqari, Nvidia Xyustonda Foxconn va Dallasda Wistron bilan hamkorlikda o‘zining zavodlarini qurmoqda. Katta hajmdagi ishlab chiqarish 12-15 oy ichida bosqichma-bosqich kengaytirilishi kutilmoqda.

Bu voqea AQShda ilgari bunday murakkab va zamonaviy chiplar ishlab chiqarilmaganligi sababli muhim ahamiyatga ega. Kompaniya kelgusi to‘rt yil ichida TSMC, Foxconn, Wistron, Amkor va SPIL bilan hamkorlikda AQShda sun’iy intellekt infratuzilmasidan yarim trillion dollargacha daromad olishni rejalashtirmoqda.

Eslatib o‘tamiz, avvalroq...

Xitoyning Dongfeng brendi oʻz assortimentini kengaytirmoqda. 13-aprel kuni yangilangan Aeolus L7 2025 krossoverining sotuvi boshlandi. Uning narxi mahalliy Chevrolet Cobalt narxi bilan teng. Bu haqda CarNewsChina nashri xabar bermoqda.

Avtomobil oʻzining tanish siluetini saqlab qolgan, biroq bir qator yangilanishlar bilan jihozlangan. Aeolus L7 ham elektr transport vositasi (EV) va ham plaginli gibrid (PHEV) quvvat uzatmasi bilan taqdim etiladi. Oʻlchovlar konfiguratsiyaga bogʻliq: uzunligi — 4670 dan 4685 mm gacha, kengligi — 1900 mm, balandligi — 1610 dan 1625 mm gacha, gʻildirak bazasi 2775 mmni tashkil qiladi.

U bir nechta intellektual tizim bilan jihozlangan. Jumladan, ABS, tortish va barqarorlikni boshqarish, tepadan...

Janubiy Koreyaning Kosmos startapi shahar uchun mo‘ljallangan yig‘ma elektr velosiped — Kosmos F5 modelini taqdim etdi. Bu haqda kickstarter nashri ma’lum qildi.

Kosmos F5 ikki versiyada taqdim etiladi:

Ikkala modelda ham 36 V kuchlanishli, 10,4 Ah sig‘imli batareya o‘rindiq ustuniga joylashtirilgan bo‘lib, pedal yordamida 74 km gacha yurish masofasini ta’minlaydi.

Korpus 6061 alyuminiy qotishmasidan yasalgan. Velosipedlarning og‘irligi 22 kg atrofida, buklangandagi o‘lchami esa 81x78x40 sm. Shinalar teshilishga chidamli bo‘lib, 22×3 dyuym, shishirish talab etilmaydi.

Tormoz tizimi...

Insayder Majin Bu tomonidan yangi iPhone 17 smartfonlari maketi ilk bor ommaga taqdim etildi. Suratlarga ko‘ra, iPhone 17 Air modeli juda yupqa korpus va gorizontal kamerali blok bilan ajralib turadi.

Yangi model, iPhone 16 Plus o‘rnini egallashi kutilayotgan iPhone 17 Air atigi 5,5 mm qalinlik bilan Apple tarixidagi eng yupqa smartfon bo‘lishi mumki. Unda 6,9 dyuymli ekran, A19 chipi, 48 MP kamera va bitta dinamik bo‘lishi kutilmoqda.

Narxi taxminan $900 dan boshlanishi aytilmoqda. Rasmiy taqdimot esa 2025-yil sentabr oyida bo‘lib o‘tishi kutilmoqda.

Eslatib o‘tamiz, avvalroq Apple boj to‘lovlaridan qochish uchun Hindistondan AQShga 1,5 million iPhone olib kelgan edi.

14-apreldan boshlab UzAirways aviakompaniyasi Toshkent – Jidda – Toshkent yo‘nalishidagi reyslarda Umra vizasiga ega yo‘lovchilarni qabul qilishni to‘xtatdi. Bu haqda aviakompaniya rasmiy xabar berdi.

Unga ko‘ra, bu cheklov «Haj – 2025» dasturi boshlanganligi munosabati bilan amalga oshirilmoqda.

Shu bilan birga, 14-apreldan boshlab Saudiya Arabistoniga aviakompaniya reyslari orqali boruvchi barcha yo‘lovchilar Toshkentga qaytish chiptasiga ega bo‘lishi va 30-aprelgacha mamlakat hududini tark etishi shart.

30-apreldan keyin Saudiya Arabistoni hududida qolgan yo‘lovchilar aniqlansa, ularga nisbatan qo‘llaniladigan jarimalar uchun javobgarlik to‘liq yo‘lovchi yoki agent zimmasiga yuklanadi.

Saudiya Arabistoni Fuqaro aviatsiyasi bosh boshqarmasi ko‘rsatmasi asosida, Uzbekistan Airways tomonidan amalga oshirilayotgan Toshkent – Jidda...

Galaxy S24 smartfonlarida yuzaga kelgan muammo sababli ushbu model uchun global One UI 7 (Android 15) yangilanishini kechiktirdi. Galaxy S24 egalari qurilmalarni qulfdan chiqarishda qiyinchiliklarga duch keldi.

Samsung AQSh, Hindiston, Xitoy, Yevropa va Vyetnamda proshivkani qaytarish orqali muammoga yechim izlamoqda. Mutaxassislarning fikricha, One UI 7 (Android 15) yangilanishi Samsung S24 smartfonlarida hozircha kutilgan natijani bermagan. Kompaniya tuzatilgan proshivkani tez orada taqdim etishni rejalashtirmoqda.

Eslatib oʻtamiz, Samsung smartfonlari uchun Android 16 versiyasini chiqarish sanalari maʼlum qilingani haqida yozgan edi.

xAI kompaniyasi tomonidan yaratilgan Grok-3 Mini modeli eng murakkab mantiqiy testlardan muvaffaqiyatli o‘tib, sun’iy intellekt sohasida tarixiy natijaga erishdi. Bu haqda Ilon Mask o‘zining X sahifasida ma’lum qildi.

Unga ko‘ra, Grok-3 Mini barcha bosqichlarda maksimal ball to‘pladi. Jumladan, murakkab Marcus va Alice+ testlarida 120/120 va 24/24 ball oldi.

Ushbu natija bilan Grok-3 Mini boshqa ilg‘or modellardan o‘zib ketdi. Ilon Mask esa bu yutuqni sharhlar ekan, «Yaqin orada sun’iy intellekt fikrlashda eng aqlli insonlardan ham ustun bo‘ladi», — deya ta’kidladi.

Bu voqea sun’iy intellektning fikrlash qobiliyatlari inson darajasiga yaqinlashayotganini yana bir bor isbotladi.

Eslatib o‘tamiz, avvalroq ekran va tugmalarsiz sun’iy...

Leapmotor C16 avtomobillari BMTning 10-son qoidalariga muvofiq deb topildi va ularni respublikada muomalaga chiqarishga shartli ruxsat berildi. Bu haqda Texnik jihatdan tartibga solish sohasida nazorat inspeksiyasi ma’lum qildi.

Mart oyida Xitoyning Leapmotor kompaniyasiga tegishli C16 rusumli avtomobillarda aniqlangan nomuvofiqliklar sababli ularning sertifikatlash jarayoni vaqtincha to‘xtatilgandi. Ushbu muammoni bartaraf etish maqsadida O‘zTest DM tomonidan kompaniyaga murojaat yuborildi.

Natijada, 7-aprel kuni Leapmotor vakillari O‘zbekistonga tashrif buyurib, mavjud muammolarni muhokama qilishdi. 14-aprel kuni esa Piskent tumanidagi sinov laboratoriyasida C16 avtomobillari BMTning 10-son qoidalariga muvofiq qayta sinovdan o‘tkazildi. Sinov jarayonida OAV vakillari, blogerlar va mutaxassislar ham ishtirok etdi.

Tekshiruv natijalariga ko‘ra, Leapmotor C...

O‘zbekiston bo‘ylab 15-aprel kuni asosan biroz bulutli ob-havo kuzatiladi, yog‘ingarchilik kutilmaydi. Biroq, tog‘li hududlarda qisqa muddatli yomg‘ir va momaqaldiroq ehtimoli mavjud, deya xabar beradi «O‘zgidromet».

Toshkent shahrida havo iliq bo‘ladi — kechasi 13-15°, kunduzi 26-28°. Sharqiy shamol kun davomida kuchayishi mumkin.

Qoraqalpog‘iston va Xorazmda kechga tomon qisqa muddatli yomg‘ir yog‘ishi mumkin, ba’zi joylarda shamol chang-to‘zonlar bilan kuzatiladi. Kunduzi harorat 20-25° gacha ko‘tariladi.

Buxoro va Navoiyda iliq va quruq ob-havo saqlanib turadi — kunduzi 27-32° gacha iliqlik kutilmoqda, shamol ba’zida kuchayishi mumkin.

Toshkent, Sirdaryo, Jizzax va Samarqand viloyatlarida havo sokin, kunduzi 24-29° issiqlik bo‘ladi.

Qashqadaryo va Surxondaryoda yozgi iliqlik — kunduzi...

2025-yil 14-aprel kuni soat 22:11 da Qirg‘izistonning O‘sh viloyatida 3,8 magnitudali zilzila sodir bo‘ldi. Bu haqda Seysmoprognostik monitoring markazi ma’lum qildi.

Unga ko‘ra, yer silkinishi 10 km chuqurlikda yuzaga kelgan. Toshkent shahridan 312 km janubiy-sharqda joylashgan zilzila episentrida tebranishlar 4 ballgacha sezilgan.

Zilzila to‘lqinlari O‘zbekistonning Andijon viloyatida ham sezilib, Xo‘jaobod, Qo‘rg‘ontepa va Jalaquduq tumanlarida 3 ball, Buloqboshi va Xonobodda 2-3 ball, Marhamat, Andijon shahri, Asaka va Paxtaobod tumanlarida esa 2 ballgacha bo‘lgan kuchda qayd etildi. Hozircha tabiiy ofat oqibatida talofatlar haqida ma’lumot berilmagan.

Eslatib o‘tamiz, avvalroq Tojikistonda ham zilzila sodir bo‘lgan edi.

13-aprel kuni Quyoshning Yergа qaragan tomonida ikki yirik protuberans fazoga otildi. Mutaxassislar ularning tarkibidagi zich quyosh moddasi 15–16 aprel kechasi Yer atmosferasiga yetib kelishini taxmin qilmoqda, deya ma’lum qildi Rossiya IKI va ISTP Quyosh astronomiyasi laboratoriyasi.

Hozirda Quyoshdan ajralib chiqqan ikki oqimning Yer sari harakatlanayotgani kuzatuv va modellarda tasdiqlangan. Ular keladigan vaqtda sayyoramiz kuchli geomagnit silkinishlarga duch kelishi mumkin. Bo‘ron cho‘qqisi 16-aprel kunining ikkinchi yarmiga to‘g‘ri keladi.

Bu jarayon polar nurlarining paydo bo‘lish ehtimolini oshiradi. Mutaxassislarning aytishicha, oxirgi oylar ichida bu eng yuqori darajadagi ehtimol hisoblanadi. Yer osmonida yorqin nurlar sahnasini kuzatish uchun qulay fursat bo‘lishi mumkin.

Ma’lumot uchun...

Orolbo‘yi hududida ekologik barqarorlikni oshirish maqsadida 3 400 tup daraxt va buta ko‘chatlari ekiladi. Bu haqda Ekologiya vazirligi ma’lum qildi.

Unga ko‘ra tashabbus Ekologiya vazirligi, BMT Taraqqiyot dasturi va Global Atrof-muhit jamg‘armasining «Aral Sea Wetlands» loyihasi doirasida amalga oshirilmoqda.

Ko‘chatlar Qipchoq o‘rmon xo‘jaligi hamda Quyi Amudaryo biosfera rezervatiga ajratilib, u orqali bog‘ va o‘rmonlar kengaytiriladi, yangi ish o‘rinlari yaratiladi. Shuningdek, Orolbo‘yi ekologik xavfsizligi mustahkamlanadi.

Mazkur loyiha yer degradatsiyasi, iqlim o‘zgarishi va bioxilmaxillik muhofazasiga qarshi kurashda muhim qadam bo‘lib, mintaqaning tabiiy muvozanatini tiklashga xizmat qiladi.

Eslatib o‘tamiz, avvalroq O‘zbekistonda baliq ovlashga vaqtinchalik taqiq joriy etilgan edi.

Oʻzbekiston U-17 terma jamoasi Osiyo kubogi yarim finalida KXDR (Shimoliy Koreya)ga qarshi maydonga tushadi. Bu haqda O‘FA ma’lum qildi.

Unga ko‘ra mazkur muhim bahs 17-aprel kuni, Toshkent vaqti bilan soat 22:15 da Saudiya Arabistonining Toif shahrida joylashgan «Qirol Fahd» stadionida boʻlib oʻtadi.

Yoshlarimiz musobaqaning guruh bosqichi va chorak finalida ishonchli oʻyin koʻrsatib, yarim finalgacha yetib kelishdi. Endi esa final yoʻllanmasi uchun muhim jang kutib turibdi.

Eslatib o‘tamiz, avvalroq o‘smirlarimiz BAA ustidan 3:1 hisobdagi g‘alaba bilan yarim finalga yo‘l olgan edi.

Shavkat Mirziyoyev yangi turizm va bunyodkorlik loyihalari taqdimoti bilan tanishdi. Ular orasida Bo‘stonliqdagi «Chorvoq darvozasi» majmuasi, Toshkentdagi okeanarium va yangi turarjoy maskanlari bor, deya yozmoqda davlat rahbari matbuot xizmati.

Unga ko‘ra, «Chorvoq darvozasi»ning birinchi bosqichi foydalanishga topshirildi. U yerda ko‘p qavatli uylar, mehmonxonalar, savdo nuqtalari va quyosh panellari bilan jihozlangan inshootlar qurilgan. Loyiha ekologik energiya bilan ta’minlanadi.

Toshkentdagi okeanarium 20 gektar maydonda barpo etiladi. Yaqinida mehmonxona va savdo majmuasi ham quriladi, 1600 ta ish o‘rni yaratiladi.

Yakkasaroyda esa yangi turarjoy va ishbilarmonlik hududi bunyod etiladi. Prezident barcha loyihalar bo‘yicha aniq reja tuzib, sifat va muddatga qat’iy amal qilish bo‘yicha...

Shavkat Mirziyoyev Chorvoq bo‘yida barpo etilayotgan «Sea Breeze Uzbekistan» xalqaro turizm markazi master-rejasining taqdimoti bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, so‘nggi yillarda mamlakatimizda turizm jadal rivojlanib, xorijiy sayyohlar soni 10 milliondan oshdi. Yangi loyihada dam olish, turarjoy, madaniyat, ta’lim va sog‘liqni saqlash maskanlari birgalikda barpo etilishi ko‘zda tutilgan. Majmua 10 ta kichik hududga bo‘linib, har biri zamonaviy xizmatlar bilan ta’minlanadi.

Eslatib o‘tamiz, avvalroq Mirziyoyev Global oʻzgarishlar instituti raisi bilan sarmoya va sun’iy intellekt sohasidagi hamkorlikni muhokama qilgan edi.

4 – 11 aprel kunlari O‘zbekiston fond bozori biroz pasayishni ko‘rsatdi. «Toshkent» Respublika fond birjasidagi asosiy ko‘rsatkich – UCI indeksi ushbu davrda 653,62 punktdan 647,50 punktgacha tushib, 0,94 foizlik pasayishni qayd etdi.

Investorlar faolligi bo‘yicha yetakchi kompaniyalardan biri «Elektrqishloqqurilish» AJ bo‘ldi. Uning aksiyalari bo‘yicha tuzilgan bitimlar hajmi 2,06 milliard so‘mni tashkil etdi. Ikkinchi o‘rinda «O‘zbekiston Respublikasi tovar-xom ashyo birjasi» (637,5 mln so‘m), uchinchi o‘rinda esa «O‘zmetkombinat» (84,7 mln so‘m) joy oldi.

Bitimlar soni bo‘yicha esa O‘zRTXB 602 ta tranzaksiya bilan birinchi o‘rinni egalladi. Undan keyin «Aloqabank» aksiyalari bo‘yicha savdolar faolligi kuzatildi: imtiyozli aksiyalar bilan 475 ta, oddiy aksiyalar...

Baxtiyor Ibragimov O‘zbekistonning Bosniya va Gersegovinadagi birinchi elchisi bo‘ldi. Bu haqda «Dunyo» axborot agentligi xabar berdi.

Mazkur davlat Prezidiumi raisi Jelka Sviyanovichga Ibragimov o‘z ishonch yorlig‘ini topshirdi.

Tantanali marosimda tomonlar ikki davlat o‘rtasidagi siyosiy, iqtisodiy, madaniy va turizm sohalarida hamkorlikni rivojlantirish istiqbollarini muhokama qildi.

Ma’lumot uchun, Baxtiyor Ibragimov avvalroq O‘zbekistonning Avstriya, Albaniya va Slovakiyadagi elchisi sifatida faoliyat yuritgan.

Avvalroq «Kursiv» O‘zbekistonning Andorradagi birinchi elchisi tayinlangani haqida yozgandi.

Arab boshqaruv, bank ishi va moliya akademiyasi Oʻzbekistonda oʻz filialini ochish imkoniyatini koʻrib chiqmoqda. Bu haqda «Dunyo» axborot agentligi xabar bermoqda.

Oʻzbekistonning Misrdagi elchisi Mansurbek Qilichev ushbu mavzuni akademiya rektori Mustafo Hodiyer bilan muhokama qildi.

Shuningdek, ta’lim muassasasi Oʻzbekiston tomoniga investitsiyalarni jalb qilish hamda Yaqin Sharq va Oʻzbekiston bank tizimlarini integratsiyalashuvida yordam berishga tayyor.

Rejalarga bank sohasida mutaxassislar tayyorlash va Oʻzbekiston moliya sektoriga konsalting yordami koʻrsatish kiradi.

Arab akademiyasi oʻz tarixini 1988-yilda boshlagan. Ta’lim muassasasi uch tilda bank va moliya sohasida mutaxassislar tayyorlaydi. Uning filiallari Yaqin Sharq va Afrikada ochilgan.

Eslatib oʻtamiz, Kursiv Uzbekistan nashri Oʻzbekiston ta’lim sohasiga...

London Qirollik kolleji olimlari birinchi marta laboratoriyada inson tishini o‘stirishga muvaffaq bo‘lishdi. Tadqiqot natijalari kelajakda plomba yoki implantatsiyaga ehtiyoj qolmasligiga, yo‘qolgan tishlarni qayta tiklash imkoniyatiga yo‘l ochishi mumkin.

Tadqiqotchilar tish rivojlanishi uchun zarur bo‘lgan muhitni simulyatsiya qiluvchi material yaratdilar. Bu muhit hujayralarga signal uzatib, tish shakllanishini boshlashga yordam beradi. King’s kolleji regenerativ stomatologiya bo‘yicha direktori doktor Ana Angelova Volponi bu yondashuv stomatologiyada inqilob yasashini aytdi.

Tadqiqotda hayvonlar, masalan, akulalar va fillar – yangi tish o‘stira olish qobiliyatiga ega ekani, insonlarda esa faqat ikkita to‘plam mavjudligi ta’kidlangan. Olimlarning maqsadi – inson organizmida tabiiy tish qayta o‘sishini tiklashdir.

London Imperial kolleji...

Hyundai Mobis kompaniyasi elektromobil akkumulyatorlari uchun yongʻin tarqalishining oldini olishga yordam beruvchi modulli faol yongʻin oʻchirish tizimini namoyish etdi.

Tizim har bir akkumulyator moduliga yongʻin oʻchirish moslamalarini birlashtiradi. Sensor harorat va kuchlanish kabi gʻayritabiiy maʼlumotlarni aniqlash imkoniga ega. U batareyani boshqarish tizimi notoʻgʻri batareya xujayrasini va yongʻin qaysi modulda ekanligini aniqlaydi. Soʻngra tizim yongʻin modulining yongʻin oʻchirish moslamasini faollashtiradi va maxsus oʻchirish vositasini purkaydi.

«Biz global standartlardan oshib ketadigan apparat va dasturiy taʼminotga ega integratsiyalashgan akkumulyator tizimlarini ishlab chiqishda davom etamiz. Shuningdek, ilgʻor xavfsizlik texnologiyalarini xalqaro bozorga olib chiqamiz», — degan Hyundai Mobis batareya tizimi...

O‘zbekiston Maktabgacha va maktab ta’limi vazirligi va Islom taraqqiyot banki (ITB) o‘rtasida $40 mlnlik grant shartnomasi imzolandi. Bu haqda O‘zbekiston Maktabgacha va maktab ta’limi vaziri Hilola Umarova ma’lum qildi.

Shuningdek, Global Partnership for Education (GPE) tomonidan ham ta’lim sohasini rivojlantirishga doir grant shartnomasi tuzildi. Loyiha doirasida O‘zbekiston bo‘ylab 58 ta yangi inklyuziv maktab qurilishi, maktablarni zamonaviy jihozlar bilan ta’minlash, o‘qituvchilar malakasini oshirish, inklyuziv ta’limni rivojlantirish, o‘quv dasturlarini takomillashtirish va maktabgacha ta’lim sifatini oshirish kabi yo‘nalishlar qamrab olinadi.

Avvalroq Kursiv Uzbekistan maktab bitiruvchilari uchun fan olimpiadasi o‘tkazilishi haqida xabar bergan edi.

13-aprel kuni Geely kompaniyasining Zeekr 007 GT elektromobili Yevropa bozori uchun ishlab chiqarilishni boshladi. Bu haqda CarNewsChina nashri xabar berdi.

Ushbu avtomobil 15-apreldan sotuvga chiqarilishi rejalashtirilgan. Yevropa bozoriga Zeekr 7 GT nomi bilan taqdim etiladi. Kompaniya ma’lumotlariga ko‘ra, avtomobilni ishlab chiqarish jarayoniga yirik til modellari (LLM) va sun’iy intellekt integratsiya qilingan.

Shuningdek, 5G tarmog‘i va avtomobilda real vaqtda ma’lumotlarni qayta ishlash texnologiyasi bilan jihozlandi. Natijada ishchi kuchiga bo‘lgan ehtiyoj 80 foizga, nuqsonli mahsulotlar soni esa 30 foizga qisqardi

Ma’lumot uchun, zavod 2018-yil oxirida qurib bitkazilgan bo‘lib, 2021-yilning uchinchi choragida Zeekr 001 modelini ishlab chiqargan. 2025-yilda esa zavod Muse...