Yangiliklar

Volvo Cars kompaniyasi yangilangan Volvo S60 2026 modelini taqdim etdi. Bu haqda ITHome nashri xabar bermoqda.

Savdolar Xitoyda boshlangan. Avtomobil to‘rtta komplektatsiyada taklif qilinmoqda. Narxlar 306 900 yuandan ($42,3 ming) 384 900 yuangacha ($53,8 ming).

Modelda 360 darajali panoramali kamera va adaptiv kruiz-kontrol kabi yangi funksiyalar mavjud. Dizayn esa skandinavcha uslubda qolgan.

Mashina o‘lchamlari uzunligi 4778 mm, kengligi 1850 mm, balandligi 1437 mm, g‘ildirak bazasi esa 2872 mmni tashkil etadi.

Ichki qismda 12,3 dyuymli raqamli panel va 9 dyuymli sensor ekran mavjud. B4 Zhiyi Deluxe versiyasida adaptiv kruiz-kontrol va avtomatik qorayuvchi oynalar bor. B5 Zhiya Sports Edition esa...

AQSh Demokrat va Respublikachilar partiyasi senatorlari Xitoyga nisbatan bosimni kuchaytirishga qaratilgan uchta yangi qonun loyihasini Kongressga taqdim etishga tayyorlanmoqda. Bu haqda Reuters agentligi ma’lum qildi.

Ular uyg‘urlar, Tayvan va xorijdagi siyosiy faollarga bosimlar bo‘yicha xavfsizlik hamda inson huquqlarini himoya qilishni ko‘zda tutadi.

Bir loyiha uyg‘urlarni majburan deportatsiya qilgan Xitoy amaldorlariga AQShga kirishni taqiqlaydi. Ikkinchisi Tayvanni qo‘llab-quvvatlovchi mamlakatlarga yordam ko‘rsatishni taklif qiladi. Uchinchi loyiha esa xorijdagi muxoliflar va jurnalistlarga bosim o‘tkazayotgan davlatlarga qarshi choralarni o‘z ichiga oladi.

Eslatib o‘tamiz, avvalroq Markaziy bank va Xitoy moliyaviy boshqarmasi bank nazorati boʻyicha hamkorlikni yoʻlga qoʻygan edi.

Tesla kompaniyasi Janubiy Koreyaning Samsung Electronics firmasi bilan $16,5 mlrdlik chip yetkazib berish bo‘yicha shartnoma imzoladi. Kelishuv 2033-yilgacha amal qiladi, deya xabar bermoqda Reuters.

Bu bitim orqali Samsung zarar ko‘rayotgan chip ishlab chiqarish bo‘linmasini tiklashga umid qilmoqda. Reuters manbalariga ko‘ra, kelishuv Tesla bilan tuzilgan bo‘lsa-da, mijoz nomi rasmiy ravishda oshkor qilinmagan.

Mutaxassislarning aytishicha, buyurtma ilg‘or 2 nanometrli texnologiyalarni o‘z ichiga olmaydi, chunki Samsung bu sohada hali muammolarga duch kelmoqda.

Shu bilan birga, Ilon Mask Tesla avtomobillarining Xitoydagi testlarda raqobatchilarni ortda qoldirganidan mamnunligini bildirib o‘tdi.

Eslatib o‘tamiz, avvalroq Tesla o‘zining eng arzon elektromobilini taqdim etgan edi.

Taniqli bastakor, O‘zbekistonda xizmat ko‘rsatgan madaniyat xodimi Sultonali Rahmatov og‘ir kasallik sababli hayotdan ko‘z yumdi. Bu haqda ommaviy axborot vositalari san’atkorning jiyaniga tayanib xabar bermoqda.

Ma’lumot uchun, Sultonali Rahmatov 1970-yilda Toshkentda tug‘ilgan. U 2006-yilda Nyu-York qirollik akademiyasi kompozitori unvonini olgan, 2010-yilda esa «O‘zbekistonda xizmat ko‘rsatgan madaniyat xodimi» faxriy unvoniga sazovor bo‘lgan.

Rahmatov O‘zbekiston Kompozitorlar va Bastakorlar uyushmasi a’zosi bo‘lib, Mudofaa vazirligi huzuridagi Qurolli Kuchlar Markaziy ashula va raqs ansamblida badiiy rahbar lavozimida ham faoliyat yuritgan.

Yevropa Komissiyasi Xitoyning mashhur onlayn savdo platformasi Temuni noqonuniy mahsulotlar sotuviga yo‘l qo‘yayotgani va foydalanuvchilar xavfsizligini yetarli darajada ta’minlamayotgani uchun tanqid ostiga oldi. Bu haqda DW ma’lum qildi.

Komissiya Temuning DSA – Raqamli xizmatlar to‘g‘risidagi qonun talablariga zid ravishda harakat qilganini bildirdi. Temu Yevropada 94 mln.dan ortiq foydalanuvchiga ega bo‘lib, «juda yirik onlayn platforma» maqomiga ega.

Tergovda platforma orqali soxta chegirmalar, sun’iy sharhlar, yetarli mahsulot va sotuvchi ma’lumotlarining yo‘qligi va o‘ziga qaramlik keltiruvchi ilova dizayni aniqlangan. Agar ayblovlar tasdiqlansa, Temu yillik global daromadining 6 foizigacha jarimaga tortilishi mumkin.

Eslatib o‘tamiz, avvalroq O‘zbekistonda Temu marketpleysi rasman bloklangan edi.

Yangilangan xorijiy valyutalarni sotish va sotib olish kurslari, umumiy qiymati $35 millionga teng Margilan City Mall & Residence loyihasi, 113 ta davlat orasida 13-o‘rinni egallagan O‘zbekiston sport delegatsiyasi – Kursiv Uzbekistan nashri 28-iyulda yuz bergan muhim voqealarni bitta materialga jamladi.

28-iyul kuni xorijiy valyutalarni qaysi banklarda qulay narxda almashtirish mumkin

Banklar 28-iyul kungi xorijiy valyutalarni sotib olish va sotish kurslarini yangiladi. Kursiv Uzbekistan nashri eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Margʻilonda qiymati 35 million dollarga teng Margilan City Mall qurilishi boshlandi

Fargʻona viloyatining Margʻilon shahrida umumiy qiymati $35 millionga teng Margilan City Mall...

Toshkentda har yili o‘tkaziladigan Mirabror Usmonov xotira turnirining navbatdagi bosqichi yakuniga yetdi. Bu yilgi musobaqada O‘zbekiston, Yaponiya va Saudiya Arabistonining U-23 terma jamoalari ishtirok etdi.

28-iyul kuni bo‘lib o‘tgan hal qiluvchi bahsda Ravshan Haydarov boshchiligidagi O‘zbekiston U-23 jamoasi Yaponiya bilan to‘qnash keldi. Bellashuvda yaponiyalik futbolchilar ustunlikka erishib, mezbonlarni 2:0 hisobida mag‘lubiyatga uchratdi.

Mazkur natija evaziga turnirdagi ikki o‘yinda g‘alaba qozongan Yaponiya jamoasi chempionlikni qo‘lga kiritdi. 3 ochko to‘plagan O‘zbekiston U-23 terma jamoasi esa ikkinchi o‘rin bilan kifoyalandi.

Avvalroq Kursiv nashri O‘zbekiston Saudiya Arabistonini 3:1 hisobida mag‘lub etgani haqida yozgandi.

Andijonda $40 million sarmoya hisobiga innovatsion klinika barpo etiladi. Bu haqda davlat rahbariga Andijon viloyatiga doir yangi rejalar yuzasidan bildirilgan axborotda ma’lum qilindi.

2024-yil 18-noyabrdagi prezident qaroriga muvofiq, viloyatga $3,1 milliard investitsiya jalb qilish belgilangan. Bundan tashqari, $1,5 milliardlik eksportni amalga oshirish, 305 ming kishining bandligini ta’minlash, 32 mingdan ortiq oilani kambag‘allikdan chiqarish maqsad qilingan.

Joriy yil boshidan buyon viloyatda qiymati $1 milliardlik yangi ishlab chiqarish quvvatlari, 344 ta savdo va xizmat ko‘rsatish markazlari ishga tushirilgan. Yana $2,5 milliardlik loyihalar boshlangan. O‘tgan 6 oyda $850 million investitsiya jalb qilinib, $465 millionlik mahsulot eksport qilingan.

Shuningdek, «Islohotlar shtabi» tashkil etilib...

Shavkat Mirziyoyev madaniyat va san’at, shuningdek, hunarmandchilikni rivojlantirishga qaratilgan takliflar taqdimoti bilan tanishdi. Bu haqda davlat rahbari matbuot xizmati ma’lum qildi.

Uchrashuvda ushbu sohalarda boshqaruv tizimini takomillashtirish, xalqaro tajribani joriy etish va ijodkorlarni qo‘llab-quvvatlash choralari belgilandi.

Xususan, davlat-xususiy sheriklik asosida madaniyat markazlari faoliyati kengaytiriladi, yoshlarning vatanparvarlik ruhini kuchaytiruvchi tarixiy va animatsion mahsulotlar yaratiladi. Botir Zokirov nomidagi estrada instituti faoliyati yanada rivojlantiriladi, Sherali Jo‘rayev nomidagi musiqa maktabi va milliy qo‘shiq tanlovlari tashkil etiladi.

Hududlarda simfonik orkestrlar tuzilib, xalq orasida san’atni targ‘ib qilish uchun gastrol safarlari yo‘lga qo‘yiladi. Shu bilan birga, kreativ iqtisodiyotni ikki baravarga oshirish rejalashtirilgan bo‘lib, hunarmandchilik uning muhim...

O‘zbekistonda 2025-yilning dastlabki olti oyida 17 mingdan ortiq shaxs jazoni to‘liq o‘tamasdan ozodlikka chiqqan. Yana qariyb 5,5 ming nafar fuqarolarga yengilroq jazo choralari qo‘llanilgan. Bu haqda Oliy sud tahlillari e’lon qilindi.

So‘nggi besh yarim yil ichida bunday tartibda ozod etilganlar soni 155 mingga yaqinlashdi. Avvalgi yillarda ham bu ko‘rsatkich barqaror o‘sish bilan davom etgan. Bu esa jinoyatni sodir etgan shaxslarning tuzalish imkoniyatiga ega bo‘lishi, jazoni ijro etish muassasalaridagi tartib-intizomga rioya qilgan mahkumlar uchun ikkinchi imkoniyat yaratilayotganidan dalolat beradi.

Shu bilan birga, 2024-yilda sudlar tomonidan ozodlikdan mahrum qilish jazosi tayinlangan shaxslar soni so‘nggi besh yildagi eng yuqori ko‘rsatkichga yetdi...

Bestune Pony 2026 elektromobili Xitoyda rasman taqdim etildi. Eng arzon varianti atigi $4,8 mingga baholangan. Bu haqda Carnews China nashri xabar berdi.

Yangi model 27-iyul kuni Jilin viloyatining Changchun shahrida bo‘lib o‘tgan FAW Bestune’ning an’anaviy Fan Cooling Festival tadbirida ilk bor ommaga namoyish qilindi.

Avvalgi ko‘rinishini saqlab qolgan Pony — uch eshikli va to‘rt o‘rindiqli mikro elektromobil bo‘lib, o‘zining keskin chiziqlari va to‘g‘ri burchakli korpusi bilan ajralib turadi. Har qanday komplektatsiyada mashina CLTC standartiga ko‘ra 222 kilometr masofani bir quvvatda bosib o‘tishga qodir.

Mashinaning o‘lchamlari o‘zgarmagan — 3 metr uzunlik, 1,51 metr kenglik va 1,63 metr balandlikka ega...

Rossiyaning Aeroflot» aviakompaniyasida yuz bergan axborot tizimi nosozligi sababli 50 ga yaqin reys bekor qilindi. Bu haqda RBK nashri ma’lum qildi.

Mazkur hujum uchun Silent Crow va «Kiberpartizanlar» xakerlar guruhi javobgarlikni o‘z zimmasiga oldi. Xakerlarning aytishicha, ular bir yil davomida kompaniya tarmog‘iga kirib, 20 TB ma’lumotni o‘g‘irlab, 7 ming serverni ishdan chiqargan.

Mutaxassislar bu kabi bayonotlarga ehtiyotkor yondashish lozimligini, biroq uzoq muddatli tizimiy hujum ehtimolini istisno qilib bo‘lmasligini ta’kidlashmoqda.

«Aeroflot» nosozlik sababini ochiqlamagan, ammo Moskva, Minsk, Yerevan, Ostona kabi yo‘nalishlardagi parvozlar to‘xtatildi. Holat bo‘yicha Moskva transport prokuraturasi nazorat o‘rnatgan.

Eslatib o‘tamiz, avvalroq Qantas aviakompaniyasi bazasidan olti million mijozning ma’lumoti...

Termizda 1,3 mlrd so‘mlik gaz noqonuniy ishlatilgani aniqlandi. Bu haqda Bosh prokuratura ma’lum qildi.

Xabarga ko‘ra, Surxondaryo viloyatining Termiz shahrida joylashgan MChJga qarashli noturar binoda gaz tarmog‘iga noqonuniy ravishda to‘g‘ridan to‘g‘ri ulanib, tabiiy gazdan ruxsatsiz foydalanib kelingani aniqlangan.

Natijada 1,3 milliard so‘mlik, ya’ni 439 ming kub metr tabiiy gaz talon-toroj qilingan. Ayni paytda holat yuzasidan tergovga qadar tekshiruv harakatlari olib borilmoqda.

Avvalroq joriy yilda 622 mlrd so‘mlik energiya resurslari noqonuniy ishlatilgani haqida yozgandik.

Unga ko‘ra, joriy yilning shu davrigacha o‘tkazilgan nazorat tadbirlarida 1 394 ta iste’molchi tomonidan tabiiy gaz va elektr energiyasidan noqonuniy foydalanish holatlari aniqlangan. Ushbu...

Turkiya ichki ishlar vaziri Ali Yerlikaya 22–27-iyul kunlari mamlakatdagi o‘rmon yong‘inlari yuzasidan yetti nafar gumonlanuvchi qo‘lga olinganini ma’lum qildi.

Unga ko‘ra, ushbu fuqarolardan biri eski matrasni yoqishga uringan va natijada yong‘in yaqin atrofdagi o‘rmon hududiga tarqalgan.

Vazirning so‘zlariga ko‘ra, qo‘lga olingan yetti kishidan uchtasi hibsga olingan, to‘rt nafari esa mamlakatdan chiqmaslik majburiyati bilan ozod qilingan. Ushbu holatlar Sakarya va Balikesir viloyatlarida sodir bo‘lgan yong‘inlar bilan bog‘liq bo‘lib, ular allaqachon o‘chirilgan. Biroq Karabuk viloyatida sodir bo‘lgan yong‘inni o‘chirish ishlari besh kundan beri davom etmoqda.

Xususan, Sakarya viloyatida yashovchi fuqaro eski matrasni yoqishga qaror qilgan, biroq olov tezda o‘rmonga tarqalgan va...

AQSh prezidenti Donald Tramp zirhlangan golf aravachasida ko‘rinish berdi. Yangi transport vositasi o‘q o‘tmas oynalar bilan jihozlangani aytilmoqda. Bu haqda New York Post nashri xabar berdi.

Trampning xavfsizlik xizmati unga qilingan suiqasd urinishidan 10 oy o‘tib, Shotlandiyadagi Turnberry golf maydonida kuchli zirhlangan yangi golf aravachasini — Golf Force One’ni ilk bor namoyish etdi.

Oq rangli odatiy aravachada golf o‘ynagan prezident ortidan kuzatib borgan qora rangli zirhlangan transport vositasi xavfsizlik choralarining kuchayganidan darak bermoqda. Mutaxassislar bu maxsus vosita AQSh prezidentining mashhur limuzini — The Beast uslubida modifikatsiya qilinganini taxmin qilmoqda.

Britaniyalik zirhli avtomobillar eksperti Gari Relfning so‘zlariga ko‘ra, aravachaning old...

Tailand va Kambodja o‘zaro chegara hududidagi bir necha kunlik to‘qnashuvlardan so‘ng «zudlik bilan va shartsiz o‘t ochishni to‘xtatish» bo‘yicha kelishuvga erishdi. Bu haqda CNN nashri xabar berdi.

Kelishuv mahalliy vaqt bilan yarim tunda (Toshkent vaqti bilan soat 01:00) kuchga kiradi.

Bu haqda o‘t ochishni to‘xtatish muzokaralariga vositachilik qilgan Malayziya Bosh vaziri Anvar Ibrohim ma’lum qildi. Muzokaralar Kualalumpur yaqinidagi bosh vazir qarorgohida bo‘lib o‘tdi. Unda Kambodja Bosh vaziri Hun Manet va Tailandning vaqtincha bosh vaziri Phumtam Vechayachay ishtirok etdi.

Har ikki tomon oxirgi qurolli to‘qnashuvlar uchun bir-birini ayblab kelayotgan edi. Rasmiy ma’lumotlarga ko‘ra, oxirgi bir necha kunlik ziddiyatlar natijasida kamida...

Telegram messenjeri hammuassisi Pavel Durov 28-iyul kuni Parij sudi tomonidan takroran so‘roq qilindi. Bu haqda fransuz nashriga tayangan holda TASS xabar berdi.

Unga ko‘ra, Durov mahalliy vaqt bilan 28-iyul kuni ertalab soat 10:00 da Parij sudiga yetib kelgan. Nashr yozishicha, tadbirkor vaziyat bo‘yicha hech qanday izoh bermagan. Durovni ushbu ish bo‘yicha mas’ul ikki tergovchi sudya so‘roq qilgan.

Avvalroq Telegram asoschisi sudning ruxsati bilan Fransiyani tark etib, Dubayga joʻnab ketgandi. 

Bungacha Durov 2024-yil avgust oyida hibsga olinganidan beri Fransiyada edi. U Yevropa huquq-tartibot idoralari xodimlari bilan hamkorlik qilishdan bosh tortganlikda, firibgarlikda, bolalar pornografiyasini tarqatishda va boshqa kiberjinoyatlarda ayblangan.

Tadbirkor xizmatning butun...

28-iyul kuni Toshkentda transport-logistika sohasida faoliyat yuritayotgan tadbirkorlar bilan ochiq muloqot o‘tkazildi. Unda tadbirkorlar sohadagi muammolar va takliflarni ilgari surishdi.

«Zari Lagist» MChJ ta’sischisi o‘tgan yildan beri bojxonada turib qolgan avtomobillarni qayta rasmiylashtirishga ruxsat berishni so‘radi. Unga ko‘ra, ilgari yuk avtomobillarini O‘zbekistonga olib kirishda imtiyozlar mavjud bo‘lgan, biroq hisob-fakturada kichik xatolik tufayli bir nechta avtomobillari rasmiylashtirilmay qolgan.

«Shu avtomobillar kreditga olingan, pulini to‘lab, uni qaytarib olishning iloji yo‘q. Prezidentimiz fevral oyida imtiyoz muddatini uzaytirish bo‘yicha topshiriq bergan edilar, ammo u amalga oshmadi. Iltimos, hech bo‘lmaganda o‘tgan yildan qolgan avtomobillarni rasmiylashtirishga ruxsat berilsin», — deya murojaat...

O‘zbekistondagi shisha mahsulotlari ishlab chiqaruvchi «Kvarts» kompaniyasi 2025-yilning birinchi yarmida 46,7 milliard so‘m zarar bilan faoliyatini yakunladi. Bu haqda moliyaviy hisobotlarida ma’lum qilindi.

Bu zarar o‘tgan yilgi natijalarga nisbatan 33,5 foizga kamaygan bo‘lsa-da, kompaniyaning umumiy tushumi ham pasaygan.

2024-yilning dastlabki olti oyida tushum 239 milliard so‘m bo‘lgan bo‘lsa, joriy yil bu ko‘rsatkich 197,3 milliard so‘mni tashkil etib, 17,5 foizga kamaygan.

Ammo tushum kamayganiga qaramasdan, kompaniya yalpi foyda ko‘rsatkichini deyarli ikki baravar oshira oldi. 2024-yilgi 19,4 mlrd so‘mga nisbatan, bu yil 42,2 milliard so‘m yalpi foyda qayd etildi. Bu esa 117,8% o‘sish deganidir.

Shuningdek, «Kvarts»ning uzoq muddatli bank kreditlari...

Humo to‘lov tizimi shu yilning dastlabki olti oyi mobaynida 124,3 milliard so‘m sof foyda olgan. Bu kompaniya tarixidagi rekord natija bo‘ldi.

Shuningdek, bu o‘tgan yilning shu davriga nisbatan 52,4 milliard so‘mga ko‘p, ya’ni 73 foiz o‘sish demakdir.

Shu bilan birga, kompaniya 2024-yil davomida 167,3 milliard so‘m sof foyda ko‘rgan edi. Demak, kompaniya joriy yilning bor-yo‘g‘i birinchi yarmidayoq o‘tgan yilgi umumiy foyda darajasiga deyarli yetib kelgan.

Hisobot davrida sof tushum ko‘rsatkichi 224,9 milliard so‘mga yetib, 60 foizga oshgan. Kompaniyaning administrativ xarajatlari 18,74 milliard so‘mni tashkil etgan. Biroq bu xarajatlar o‘sish sur’atlariga salbiy ta’sir ko‘rsatmagan.

Avvalroq Kursiv Uzbekistan Humo’ning birinchi chorakdagi...

Hindistonlik Oben Electric startapi yangi Rorr EZ elektromototsiklini Amazon India orqali sotuvga chiqardi. Bu haqda New Atlas ma’lum qildi.

Uning boshlang‘ich narxi 129 999 rupiy (taxminan $1550) bo‘lib, bu Hindistonda iPhone 16 Pro Max’dan ham arzon.

Mototsikl uch xil akkumulyator variantida taklif etiladi: 2,6 kVt⋅soat (110 km), 3,4 kVt⋅soat (140 km) va 4,4 kVt⋅soat (175 km) yurish masofasiga ega. LFP akkumulyatorlari 45 daqiqada 80% gacha zaryadlanadi.

Rorr EZ 7,5 kVt maksimal quvvatli motor, 95 km/soat tezlik va 3,3 soniyada 0 – 40 km/soat tezlanish bilan jihozlangan. Rangli LED displey, Eco, City va Havoc rejimlari, geozonlash, xavfsizlik tizimlari va IP...

O‘zbekiston va SOCAR Ustyurtda uglevodorodlarni qidirish va qazib olish uchun $2 milliard sarmoya kiritishni rejalashtirmoqda. Bu haqda O‘zbekiston Energetika vazirligi bosh boshqarmasi boshlig‘i Adhamjon Ubaydullayev ma’lum qildi.

Kelgusi besh yil ichida istiqbolli hududda ilk qidiruv qudug‘i qaziladi. Dastlabki baholashlarga ko‘ra, Ustyurt platosidagi jami neft zaxiralari 100 million tonnaga yetadi. Bu hajm respublikaning ichki ehtiyojlarini to‘liq qoplash uchun 25 yilga yetadi.

Bundan tashqari, geologik razvedka hududidagi tabiiy gazning potensial zaxiralari 35 milliard kub metrgacha yetishi mumkin.

24-iyul kuni O‘zbekiston Energetika vazirligi, Ozarbayjonning davlat neft kompaniyasi SOCAR va «O‘zbekneftgaz» AJ o‘rtasida mahsulot taqsimoti toʻgʻrisidagi bitim imzolandi. Ushbu hujjat Ustyurt platosida...

Hukumat qarori bilan joriy yil 24-iyulda paxta yetishtirishga ajratilgan kreditlarning foiz to‘lovlarini qisman subsidiya qilish to‘g‘risidagi nizom tasdiqlandi.

Unga ko‘ra, paxta xomashyosini yetishtirish uchun ajratilgan imtiyozli kreditlarni hosil yili yakuniga qadar to‘liq qaytargan qishloq xo‘jaligi subyektlariga foiz to‘lovlarining bir qismi subsidiya sifatida qaytariladi.

Nizomda belgilanishicha, Qishloq xo‘jaligini davlat tomonidan qo‘llab-quvvatlash jamg‘armasi kredit resurslari hisobidan ajratilgan ushbu kreditlar bo‘yicha to‘langan foiz to‘lovlarining 4 foiz punkti subsidiya tariqasida qoplab beriladi. Buning uchun kredit va unga hisoblangan foizlar hosil yilining 31-dekabriga qadar to‘liq qaytarilgan bo‘lishi lozim.

Arizalar tijorat banki bosh ofisining subsidiya.mf.uz portali orqali yuboriladi. Barcha ma’lumotlar portalga kiritilgach...

Redmi yangi Note 14 SE 5G smartfonini rasman taqdim etdi. Bu haqda Gizmochina ma’lum qildi.

Qurilma 6 GB operativ xotira va 128 GB ichki xotiraga ega bo‘lib, uning narxi atigi $175 ni tashkil etadi. Smartfon 6 nanometrli MediaTek Dimensity 7025 Ultra protsessorida ishlaydi hamda Android 15 asosidagi HyperOS operatsion tizimi bilan boshqariladi.

Asosiy kamera 50 MP Sony LYT-600, 8 MP va 2 MP datchiklardan iborat, old kamera esa 20 MP. Smartfon 5110 mA·soat batareyaga ega bo‘lib, 45 Vt quvvatda zaryadlanadi.

Smartfonning boshqa xususiyatlari orasida IP64 darajasidagi chang va namlikdan himoya, ekran ostiga o‘rnatilgan barmoq izi skaneri, infraqizil port...