O‘zbekiston va Rossiya mikroplastmassalarga qarshi birgalikda kurashadi

Andijon va Tomsk davlat universitetlari atrof-muhitni mikroplastmassalar bilan ifloslantirish sohasida hamkorlikda tadqiqot olib borishga kelishib olishdi. Bu haqida Tomsk universitetining O‘zbekiston Respublikasidagi koordinatori Sergey Yun gapirdi.

«Kelishuvda universitetlar birgalikda mikroplastmassalardan namuna olish uchun maxsus jihozlar ishlab chiqish, birgalikda ushbu mavzu bo‘yicha grantlar olish va ilmiy maqolalar yozishga kelishib oldilar», – deya Yunning so‘zlaridan iqtibos keltirgan Rossiyaning RIA Tomsk mintaqaviy axborot agentligi.

Universitet koordinatorining qoʻshimcha qilishicha, Tomsk davlat universiteti Rossiyada mikroplastmassalar boʻyicha tadqiqotlar boʻyicha yetakchi hisoblanadi. U «Yerning global o’zgarishi: iqlim, ekologiya, hayot sifati» strategik loyihasini amalga oshirmoqda, uning doirasida Yenisey, Ob va Quyi Tunguska daryolarining ifloslanish darajasi o’lchanadi.

Hamkorlik rejasini ta’lim muassasalari rektorlari Eduard Galajinskiy va Akramjon Yo‘ldoshev imzoladi. Tomonlar, shuningdek, tarix, biologiya, iqtisod, menejment va arxiv fanlari bo‘yicha qo‘shma ta’lim dasturlarini yo‘lga qo‘yishga kelishib olishdi.

-Tomsk davlat universiteti Rossiyadagi milliy tadqiqot universitetlaridan biridir. 2020 yilda u dunyodagi eng kuchli 300 ta universitet qatoriga kirdi.

Andijon davlat universiteti 1931-yilda pedagogika universiteti sifatida tashkil etilgan. 1992-yilda davlat maqomini olgan. Hozir uning o’ndan ortiq fakultetlari mavjud bo’lib, ularda 23 mingga yaqin talaba tahsil oladi.