O‘zbekistonda spirtli ichimliklarga aksiz solig‘i ikki baravar oshishi mumkin
«Davlat byudjeti va 2024-2026- yillarga mo‘ljallangan makroiqtisodiy ko‘rsatkichlar prognozi to‘g‘risida»gi qonun loyihasidan kelib chiqib, O‘zbekistonda kelgusi yildan boshlab spirtli ichimliklarga aksiz solig‘i oshirilishi rejalashtirilmoqda.
Iqtisodiyot va Moliya vazirligi soliq yig‘ish hajmini ikki barobarga oshirishni taklif qilmoqda – bir litr spirt uchun 7,4 ming so‘mdan 14,9 ming so‘mgacha.
Boshqa tashabbuslar qatorida, 2024-yil aprel oyi boshidan zararli gazlari yuqori bo‘lgan benzinga aksiz solig‘i 12 foizgacha indekslanadi.
Shuningdek, kelasi yilning 1-aprelidan tarkibida shakar bo‘lgan gazlangan ichimliklar uchun 500 so‘m aksiz solig‘i joriy etiladi.
Departament yuk ko‘tarish quvvati 10 tonnadan ortiq bo‘lgan yuk avtomobillari uchun beshta asosiy hisoblangan qiymat miqdorida yo‘l solig‘ini joriy etishni taklif qilmoqda.
Biroq, asosiy soliq turlari bo’yicha stavkalarni oshirish rejalashtirilmagan. 2024-yilda daromad solig’ining bazaviy stavkasi 15 foiz, jismoniy shaxslardan olinadigan daromad solig’i – 12 foiz, ijtimoiy soliq – 12 foiz, davlat tashkilotlari uchun – 25 foiz darajasida saqlanib qoladi.
Avvalroq, «Kursiv» O‘zbekistonda iyun oyida soliq tushumlari 7 foizga oshganini yozgan edi.
