Yaponiya rasmiylari Markaziy Osiyo bilan aloqalarni mustahkamlashni dolzarb vazifa deb biladi
Markaziy Osiyo davlatlari jahon siyosiy sahnasida katta rol o‘ynay boshladi, shuning uchun ular bilan munosabatlarni mustahkamlash muhim ahamiyat kasb etmoqda, dedi Yaponiya Bosh vaziri Fumio Kisida.
«Markaziy Osiyo mamlakatlari geosiyosiy ahamiyatga ega boʻlib bormoqda. Ular bilan aloqalarni mustahkamlash dolzarb vazifadir», — dedi Yaponiya bosh vaziri Qirg‘iziston prezidenti Sadir Japarov bilan uchrashuvdan so‘ng jurnalistlarga. Kisidaning so‘zlaridan iqtibos keltirmoqda TASS agentligi.
Muzokaralar davomida Kisida va Japarov Ukraina, Yaqin Sharq va Markaziy Osiyodagi vaziyatga oid mavzularni muhokama qildi. Qirgʻiziston va Yaponiya hukumatlari vakillari ham infratuzilma va kadrlar sohasida hamkorlikni davom ettirishga kelishib oldilar.
«Kursiv»ning yozishicha, noyabr oyida Yaponiya tashqi ishlar vaziri Yoko Kamikava Markaziy Osiyo mamlakatlarini xalqaro tartibni saqlashda «Yettilik» (Katta yettilik) guruhining muhim hamkori deb atagan.
Yaponiya va Markaziy Osiyo o‘rtasida nafaqat siyosiy, balki biznes aloqalari ham rivojlanmoqda. Tokio 2022-yil dekabr oyida Markaziy Osiyo investitsiya forumiga mezbonlik qildi.
