O‘zbekistonda xususiylashtirishning yangi usullari qonunda belgilangan

Oʻzbekiston parlamentining yuqori palatasi «Davlat mulkini xususiylashtirish toʻgʻrisida»gi qonunni maʼqulladi, deb xabar qildi Oliy Majlis Senati matbuot xizmati. Hujjatga amaldagi tahrirda bo‘lmagan davlat mulkini sotishning yangi turlari kiritilgan.

Qonun endilikda xususiylashtirish uchun onlayn elektron auksion va birjadan foydalanishga ruxsat beradi. Davlat mulkini muzokaralarga ommaviy taklif yoki raqobatbardosh muloqot orqali sotish ham mumkin. Boshqa usul – kompaniya yoki mulkni boshqa kompaniyaning ustav kapitaliga kiritish. Endilikda korxonani keyinchalik sotish sharti bilan ijaraga berish orqali xususiylashtirish mumkin.

Davlat aktivlarini boshqarish agentligining taʼkidlashicha, qonun imzolash uchun prezidentga yuborilgan va u eʼlon qilinganidan keyin uch oy oʻtib kuchga kiradi.

Avvalroq, «Kursiv» 2023-yil oxirigacha O‘zbekiston 1,5 milliard dollarlik davlat mulkini xususiylashtirishni rejalashtirayotgani, bu o‘tgan yilga nisbatan 1,5 barobar ko‘p ekanligini yozgan edi.