Qarshi kaskadini ta’mirlashda iqtisod qilingan mablag‘ nasoslarni ta’mirlashga sarflanadi

O‘zbekistonning Qashqadaryo viloyatidagi Qarshi nasos stansiyalari kaskadini kapital ta’mirlash jarayonida ajratilgan mablag‘ning qariyb yarmini tejash imkonini berdi. Bu mablagʻlar mamlakat prezidenti Shavkat Mirziyoyevning qaroriga binoan uskunalar xarid qilish va taʼmirlashga yoʻnaltiriladi.

70,7 million dollardan 34,6 million dollar iqtisod qilindi.Shundan 19,8 million dollari Saudiya taraqqiyot jamg‘armasi kreditlari, 14,8 million dollari Tiklanish va taraqqiyot jamg‘armasi kreditlaridir.

Tejalgan mablag‘ Qarshi kaskadining to‘qqizta nasosini modernizatsiya qilish, maxsus texnika va to‘rtta drager sotib olishga yo‘naltiriladi.

Qarshi nasos stansiyalari kaskadi 1972–1975-yillarda 392 ming gektar yerni suv bilan taʼminlash uchun qurilgan. Modernizatsiyaning birinchi va ikkinchi bosqichlari doirasida kaskaddagi uchta nasos yangilandi va ular uchun butlovchi qismlar xarid qilindi.

2017-yil may oyining o‘rtalaridan boshlab kaskadga tutash to‘g‘onni ta’mirlash ishlari olib borilmoqda.

Avvalroq, «Kursiv» O‘zbekiston iqtisodiyoti suvdan noratsional foydalanish tufayli har yili 5 milliard dollar yo‘qotishi haqida yozgan edi.