Samarqandda Rossiya konsulligi ochiladi

Yaqin kelajakda Samarqandda Rossiya bosh konsulligi ochilishi rejalashtirilmoqda, dedi mamlakat tashqi ishlar vaziri oʻrinbosari Yevgeniy Ivanov.

«Komsomolskaya pravda»ga bergan intervyusida amaldor Rossiya Federatsiyasining yetti davlatda diplomatik vakolatxonalarini ochish rejalari haqida gapirdi. Shunday qilib, Burkina-Faso va Ekvatorial Gvineyada Rossiya elchixonalari paydo bo’lishi kerak.

Bosh konsulliklar O‘zbekiston Samarqandidan tashqari Armanistonning Kapan, Qozog‘istonning Aktau, Indoneziyaning Denpasar va Maldivning Male shaharlarida ham faoliyat yuritadi.

Ivanovning so‘zlariga ko‘ra, elchixonalar va bosh konsulliklar ochish qarori mahalliy hokimiyat organlari bilan kelishilgan.

Avvalroq, «Kursiv» Qatarda O‘zbekiston elchixonasi ochilishi haqida yozgan edi.