VisaGuide.World: O‘zbekiston pasporti Markaziy Osiyodagi eng kuchli pasportlardan biri hisoblanadi

O‘zbekiston pasporti VisaGuide.World reytingida 199 davlat orasida 128-o‘rinni egalladi.

Joriy yilning boshida O‘zbekiston fuqarolari 31 ta davlatga erkin kirishlari mumkin. Yetib kelganda vizalar 32 mamlakatda mavjud.

Markaziy Osiyo davlatlari orasida Qozog‘iston eng yaxshi natijani qayd etgan – 110-o‘rin, Qirg‘iziston 131-o‘rin, Tojikiston 139-o‘rin, Turkmaniston esa 166-o‘rinda.

Ispaniya pasporti eng kuchli pasport sifatida tan olingan, undan keyin Germaniya va Singapur o‘rin egallashgan.

Eslatib oʻtamiz, oʻtgan yili Eron, Qatar va Moʻgʻuliston Oʻzbekiston fuqarolari uchun vizasiz rejim joriy etilgani haqida eʼlon qilgan edi. O‘z navbatida, mamlakatimiz qatarliklar uchun vizasiz rejimni joriy qildi.

Avvalroq, «Kursiv» 2023-yil oktabr oyi boshida O‘zbekiston jahon pasporti indeksida o‘z o‘rnini kuchaytirgani haqida xabar bergan edi.