O‘zbekiston qishloq xo‘jaligi uchun dizel yoqilg‘isi yanada arzonroq bo‘ladi
Oʻzbekistonda dizel yoqilgʻisi 15 foizga arzonlashadi, dedi «Oʻzbekneftgaz» AJ boshqaruvi raisi Bahodir Sidiqov «Oʻzbekiston 24» telekanaliga bergan intervyusida.
O‘zR prezidenti Shavkat Mirziyoyev 12-fevral kuni bo‘lib o‘tgan qishloq xo‘jaligini rivojlantirish masalalariga bag‘ishlangan yig‘ilishda kompaniya oldiga shunday vazifa qo‘ydi.
«Xarajatlarning asosiy qismlaridan biri (qishloq xo‘jaligi mahsulotlarini ishlab chiqarishda – kursiv qayd) qishloq xo‘jaligi faoliyatida foydalaniladigan dizel yoqilg‘isi narxi hisoblanadi. Davlat rahbari bir hafta muddatda birja savdolariga qo‘yilgan dizel yoqilg‘isi narxini 15 foizga arzonlashtirish vazifasini qo‘ydi», — dedi Sidiqov.
«O‘zbekneftgaz» rahbari bu masalani hal qilish uchun mahalliy xomashyodan dizel yoqilg‘isi ishlab chiqarishni ko‘paytirish rejalashtirilayotganini qo‘shimcha qildi. Buning uchun «Uzbekistan GTL» korxonasining quvvatlari jalb etiladi.
Avvalroq, «Kursiv» 2023-yilning birinchi yarmida O‘zbekiston korxonalari dizel yoqilg‘isi ishlab chiqarishni ikki barobarga oshirganini e’lon qilgan edi.
