“O‘zbekneftgaz” yonilg‘i quyish shoxobchalari endi xususiy
![](https://cdn-uz.kursiv.media/wp-content/uploads/2023/07/benzin-1024x640.jpg)
«O‘zbekneftgaz»ga tegishli bo‘lgan UNG Petro yonilg‘i quyish shoxobchalari endi xususiy kompaniyaga tegishli. Bu haqda ma’lumotlar Korxona va tashkilotlarning yagona davlat reestrida mavjud.
![](https://cdn-uz.kursiv.media/wp-content/uploads/2024/03/image-6.png)
Hujjatda yonilg‘i quyish shoxobchasining yangi egasi Petroleum Technology Group ekanligi ko‘rsatilgan. Kompaniya 2023-yil 4-oktabrda ro‘yxatga olingan.
Kompaniyaning asosiy qismi Daniyar Abdulazizovich Kamilovga (99%), qolgan qismi esa Delta Global Dynamicsga (1%) tegishli. Daniyar Kamilov sobiq tashqi ishlar vaziri, hozirda prezident huzuridagi Xavfsizlik kengashi kotibi o‘rinbosari Abdulaziz Kamilovning o‘g‘li.
![](https://cdn-uz.kursiv.media/wp-content/uploads/2024/03/image-7.jpg)
Eslatib o‘tamiz, Davlat aktivlarini boshqarish agentligi o‘tgan yili UNG Petro’ni xususiylashtirish bo‘yicha maslahatchi qidirayotgan edi. Biroq xususiylashtirish natijalari hali e’lon qilinmagan. Aktivning sotuv narxi ham noma’lum.