Mirziyoyev: Toshkentda yangi loyihalarni ishga tushirish uchun 175 gektar yer tadbirkorlarga berilishi mumkin
Toshkent shahrida 979 ta yer uchastkasini auksion orqali sotish va 175 gektar yerni tadbirkorlarga berish orqali yangi loyihalarni amalga oshirish mumkin, dedi O‘zbekiston prezidenti Shavkat Mirziyoyev xalq deputatlari shahar Kengashi sessiyasida so‘zlagan nutqida.
Davlat rahbari mahallaning iqtisodiy zaminini mustahkamlash, aholi daromadlarini oshirish bo‘yicha chora-tadbirlarni amalga oshirish muhimligini ta’kidladi.
Davlat rahbari poytaxtdagi korxona va tashkilotlar tomonidan 98 ming bo‘sh ish o‘rni taklif etilganini qo‘shimcha qildi. Shuningdek, Yangihayot tumanida ishga tushiriladigan «Yangi avlod» sanoat zonasi tomonidan qo‘shimcha ish o‘rinlari yaratiladi.
Shavkat Umurzoqovning Toshkent shahri hokimi lavozimiga tayinlanishiga prezident izoh berdi. Mirziyoyevning soʻzlariga koʻra, poytaxt hokimi va hokimiyat vakillari sarmoya jalb etish va aholi bandligini oshirish uchun qoʻshimcha shart-sharoitlar yaratadi.
Avvalroq «Kursiv» Toshkentda jamoat transporti faoliyatini yaxshilaydigan aqlli tizim joriy etilishini yozgan edi.
