Markaziy Osiyo neft eksportini 2 foizga oshirdi
![](https://cdn-uz.kursiv.media/wp-content/uploads/2024/01/oil-1024x682.jpg)
Mart oyida Markaziy Osiyo mamlakatlari va Rossiya tomonidan kuniga oʻrtacha 6,6 million barrel neft eksport qilindi. Bu haqda «Interfaks» agentligi Neftni eksport qiluvchi davlatlar tashkiloti (OPEK) ma’lumotlariga tayanib xabar bermoqda.
Bu koʻrsatkich fevral oyiga nisbatan 3 foizga (kuniga deyarli 200 ming barrel) yuqori. Oʻtgan yilgi qiymatdan 1 foizga kam (kuniga 50 ming barrel).
Qora va Boltiq dengizlarida ham yetkazib berish koʻpaydi, lekin quvurlar eksportining hajmi kamaydi.
Shu bilan birga, Markaziy Osiyo davlatlaridan alohida neft eksporti mart oyida 2 foizga oshib, kuniga 224 ming barrelni tashkil qildi. Oʻtgan yilning shu davriga nisbatan qiymat 8 foizga kamaydi.
Rossiya Federatsiyasi va Markaziy Osiyodan neft mahsulotlarining umumiy eksporti mart oyida oʻtgan oyga nisbatan 8 foizdan koʻproqqa kamaydi.
Avvalroq «Kursiv» Oʻzbekiston Rossiya nefti foydasiga qozoq neftidan voz kechgani haqida xabar bergan edi.