Saida Mirziyoyeva: Oiladagi zo‘ravonliklarga qarshi kurash bo‘yicha mamlakatimiz mintaqada yetakchiga aylanganidan faxrlanaman
O‘zbekiston prezidentining yordamchisi Saida Mirziyoyeva xalqaro tashkilotlarning rahbarlari bilan O‘zRda majburiy mehnatga barham berish va ayollarni zo‘ravonlikdan himoya qilish borasidagi islohotlarni muhokama qildi. Bu haqda u o‘zining Telegram-kanalida ma’lum qildi.
Munozarada JST bosh direktori Ngozi Okonjo-Iveala, BMT YeIK Ijrochi kotibi Tatyana Molchan, UNCTAD bosh kotibi Rebeka Grinspan, JSST bosh direktori Tedros Adanom Gebreyesus va XMT mintaqaviy direktori Beate Andreyes ishtirok etdi.
«Men oiladagi zo‘ravonliklarga qarshi kurash bo‘yicha mamlakatimiz mintaqada yetakchiga aylanganidan faxrlanaman. Biz barcha uchun teng imkoniyatlar yaratishga intilib, xotin-qizlar huquqlarini yanada kengaytiryapmiz», deb yozadi Mirziyoyeva.
Uning qoʻshimcha qilishicha, respublika bolalar va majburiy mehnatga barham berish, ta’lim va ijtimoiy himoya sohalarida islohotlarni amalga oshirish boʻyicha oʻz majburiyatlarini toʻliq bajarishga tayyor.
«Islohotlar va JSTga a’zolik yo‘lida O‘zbekistonni qo‘llab-quvvatlayotgani uchun xalqaro hamjamiyatga minnatdorlik bildiraman», dedi u.
Avvalroq Kursiv Uzbekistan respublika JSTga a’zo bo‘lish bo‘yicha 18 davlat bilan muzokaralarni yakunlagani haqida yozgan edi.
