O‘zbekistonlik sportchi triatlon bo‘yicha Osiyo chempionatida 2-o‘rinni egalladi
eʼlon qilindi
Chempionat U15 va U17 yosh toifalarida bo‘lib o‘tdi
Gonkongda triatlon boʻyicha Osiyo chempionatining U17 yoʻnalishidagi bellashuvlarida hamyurtimiz Diana Bektemirova kumush medalni qoʻlga kiritdi. Bu haqda Milliy olimpiya qo‘mitasi ma’lum qildi.
Unga ko‘ra, mazkur dasturda sportchilar 375 metrga suzish, 9 km velopoyga va 2,5 kmga yugurish boʻyicha kuch sinashdi. Bellashuvda Yaponiya vakilasi oltin medalni, mezbon atlet esa bronzani qo‘lga kiritdi.
Eslatib o‘tamiz, avvalroq taekvondo bo‘yicha jahon chempionatida O‘zbekiston oltin va bronzani qo‘lga kiritgan edi.
