Digital university xususiy ta’lim muassasasining litsenziyasi bekor qilindi

Toshkent tumanlararo iqtisodiy sudi tomonidan Digital university xususiy oliy oʻquv yurtining litsenziyasini bekor qildi. Bu haqda Oliy ta’lim, fan va innovatsiyalar vazirligi matbuot xizmati xabar berdi.

Nodavlat ta’lim muassasasining 2022-yilda berilgan litsenziyasi talab va shartlar bajarilmagani uchun bekor qilindi.

Ma’lumot uchun, OTM 2021-yil Toshkent shahrida tashkil etilgan. Universitet raqamli iqtisodiyot va IT uchun mutaxassislar tayyorlashga ixtisoslashtirilgan edi.

Avvalroq Kursiv Uzbekistan Toshkentda Amerika texnologiyalar universiteti oʻz faoliyatini boshlagani haqida xabar bergan edi.