Soʻmdagi kredit stavkalari o‘tgan yil iyuldagi darajaga tushdi

Sentabr oyida aholiga milliy valyutada berilgan kreditlar boʻyicha oʻrtacha stavka yillik 23,8 foizgacha pasayib, 2023-yil iyulidagi eng kam qiymatga tushdi. Bu haqda Markaziy bank axborot xizmati xabar berdi.

Biznes kreditlar stavkalari avgust oyida yillik 22,7 foiz darajasida saqlanib qoldi. Qisqa muddatli xorijiy valyutadagi kreditlar boʻyicha foiz stavkalari rekord darajadagi 11,4 foizga oʻsdi, uzoq muddatli kreditlar boʻyicha esa yiliga 9,9 foizgacha pasaydi.

Milliy valyutadagi omonatlar boʻyicha foizlar barqaror darajada boʻlib, aholi uchun yillik 22 foizni tashkil etdi. Biznes uchun esa 16,2 foizgacha pasaydi.

Jismoniy shaxslarning xorijiy valyutadagi depozitlari boʻyicha daromadlilik biroz oshdi, endi ularning oʻrtacha stavkasi yiliga 4,9 foizni tashkil etmoqda.

Avvalroq «Kursiv» Oʻzbekiston Markaziy banki asosiy stavka boʻyicha yigʻilishni 31-oktabrga koʻchirgani haqida yozgan edi.