Bitkoin rekordlarni yangilashda davom etmoqda

7-noyabrga o‘tar kechasi bitkoin narxi $76 mingdan oshdi. Bu yana bir tarixiy rekorddir, deb xabar beradi CoinDesk onlayn platformasi.

Toshkent vaqti bilan taxminan soat 2:00 da bitkoin narxi $76,2 mingga ko‘tarildi. Kriptovalyuta bir kunda 10 foizga oshdi.

Biroq keyinchalik narx pasaydi. 7:20 holatiga ko‘ra, bitkoin $75,4 mingga baholanmoqda, bu o‘tgan kunga nisbatan 4,7 foizga ko‘p.

Kriptovalyuta kursining o‘sishiga Amerika Qo‘shma Shtatlaridagi prezidentlik saylovlari sabab bo‘ldi.

Avvalroq Kursiv Uzbekistan nashri kecha bitkoin tarixiy rekordni yangilagani haqida yozgan edi.