Kia India kompaniyasi Kia Syros avtomobilining yana bir tizerini taqdim etdi. Ixcham yoʻltanlamas avtomobil 19-dekabr kuni jahon bozorida sotuvga chiqariladi.
Kia Syros old tomonida vertikal joylashgan LED faralar va orqa tomonida L-shaklidagi LED chiroqlari bo‘lgan qutisimon dizaynga ega bo‘ladi. Avtomobil, shuningdek, tom bilan bir tekislikdagi eshik tutqichlari, qoraytirilgan C-shaklidagi ustunlar va tom ustidagi reylinglarga ega bo‘ladi.
Avtomobilda ADAS tizimi, old tomondan to‘xtash datchiklari, panoramali tom lyuki, avtomatik iqlim boshqaruvi, shamollatiluvchi old o‘rindiqlar va 360 darajali kamera kabi funksiyalar mavjud bo‘ladi.
OAV xabarlariga ko‘ra, Syros ikki xil dvigatel varianti bilan taqdim etiladi. Bularning biri 118 ot kuchi va 172 Nm quvvatga ega 1,0 litrlik turbo benzinli dvigatel bo‘lib, u olti pog‘onali mexanik uzatmalar qutisi yoki yetti pog‘onali DCT bilan birgalikda ishlaydi. Ikkinchisi esa 113 ot kuchi va 250 Nm quvvatga ega 1,5 litrlik dizel dvigatel bo‘lib, u olti pog‘onali mexanik va yetti pog‘onali avtomatik uzatmalar qutisi bilan juftlashtirilgan holda ishlaydi.
