Toshkent shahrida bayramona bezatilgan avtobuslar qatnovi yo‘lga qo‘yildi

Foto:»Toshshahartransxizmat» AJ

«Toshshahartransxizmat» AJ Yangi yilga bag‘ishlab maxsus «Sehrli avtobuslar»ni yo‘lga qo‘ydi. Ushbu avtobuslar ichkarisidan rangli gulchambarlar va bayram belgilar bilan bezatiladi. Ularga Qorbobo qiyofasidagi haydovchilar boshchilik qiladi.

2024-yil 25-dekabrdan e’tiboran barcha jajji yo‘lovchilar maxsus sovg‘alar olishadi. Avtobusda sayohat qilish nafaqat qulay, balki sehrli tajriba bo‘ladi. Yangi yil bayramiga xos pufaklar va yorqin bezaklar muhitni yanada fayzli qiladi.

Foto: «Toshshahartransxizmat» AJ

Sehrli avtobuslar yo‘lovchilarni xursand qilish va bayram kayfiyatini tarqatish uchun tashkil qilingan. Avtobuslar har kuni shaharning turli yo‘nalishlarida xizmat ko‘rsatadi.

Avvalroq Kursiv Uzbekistan yangi yil bayramida avtobuslar qanday jadval asosida harakatlanishi haqida xabar bergan edi.