Zeekr o‘zining yangi modeli – 007 GT stansiya vagonini rasmiy ravishda taqdim etdi. Bu haqida Ithome nashri ma’lum qildi.
Kompaniya bu modelni Geely kompaniyasining SEA platformasida ishlab chiqdi va u zamonaviy texnologiyalar bilan jihozlangan.
Avtomobil Michelin 245/45 shinalari va 19 dyuymli to‘rtburchakli g‘ildiraklarga ega. Qiya tom chizig‘i va qiyalik D-ustunlari dizaynga zamonaviylik bag‘ishlaydi. Mashina o‘lchamlari sedan versiyasiga yaqin bo‘lib, uzunligi 4865 mm, kengligi 1900 mm, balandligi 1450 mm va g‘ildirak bazasi 2928 mm.
Zeekr 007 GT stansiya vagonida ikki turdagi akkumulyator o‘rnatilishi kutilmoqda. Birinchi variant 75 kVt quvvatga ega Golden Brick akkumulyatori, ikkinchisi esa 100 kVt/soat quvvatli Qilin akkumulyatoridir. Modelning harakat masofasi tanlangan akkumulyatorga qarab 616 dan 870 km gacha yetadi.
Mashina Haohan 2.0 aqlli haydash tizimiga ega bo‘lib, u 30 dan ortiq sensor, shu jumladan lidarni o‘z ichiga oladi. Shuningdek, avtomobilga o‘rnatilgan ikki Nvidia Orin X chipi 508 TOPS ishlov berish quvvatini ta’minlaydi. Avtomobil 100 km/soat tezlikka 3,4 soniyada erishishi mumkin.
Ichki makon zamonaviy texnologiyalar bilan jihozlangan. Avtomobil 15 dyuymli OLED markaziy ekran, 35,5 dyuymli AR-HUD displey va 21 karnayli audiotizim bilan ta’minlangan. Bundan tashqari, avtomobilda aromatizim, panoramali tom va boshqa qulaylik elementlari mavjud.
Zeekr 007 GT haqidagi to‘liq ma’lumotlar 9-yanvar kuni e’lon qilinadi.
Avvalroq Kursiv Uzbekistan Zeekr 7X O‘zbekiston bozoriga kirib kelgani haqida xabar bergan edi.
