Jud Lou «Kreml sehrgari» filmida Vladimir Putin rolini ijro etadi

Britaniyalik aktyor Jud Lou fransuz rejissori Olivye Assayas tomonidan suratga olinadigan «Kreml sehrgari» filmida Rossiya prezidenti Vladimir Putinning rolini ijro etadi. Bu haqda Deadline nashri xabar berdi.

«U Assayasning yangi loyihasi “Kreml sehrgari»da Putin obrazini, uning siyosiy faoliyatining dastlabki bosqichlarini aks ettiruvchi ikkinchi darajali rolni ijro etadi”, – deyiladi xabarda.

Lou Deadline nashriga bergan intervyusida, ushbu rolni «Everestga ko‘tarilish kabi qiyinchilik» deb atadi, lekin bu chaqiruvni qabul qilishga tayyor ekanini ta’kidladi.

2024-yil may oyida Lou ushbu filmda qatnashishi haqida ma’lumot paydo bo‘lgan edi, ammo uning obraziga oid batafsil ma’lumotlar o‘shanda oshkor qilinmagan.

Eslatib o‘tamiz, avvalroq «Oltin Globus» mukofotlari g‘oliblari e’lon qilingani haqida yozgan edik.