Cobalt Midnight uchun shartnomalar ochildi

UzAuto Motors Chevrolet Cobalt Midnight modelini sotuvga qo‘ydi. Avtomobilning kutish muddati 6 oydan ortiq ekani aytilmoqda. Masalan, siz agar bugun xarid qilsangiz, iyul oyida sizga avtomobil yetkazib beriladi.

Bugun soat 10:00 holatiga ko‘ra, Midnight modeliga navbat 28 598 birlikni tashkil etdi.

Bir hafta oldin ushbu model uchun bir necha o‘n minglab shartnomalar tuzilgan edi. Biroq ko‘pchilik xaridorlar shartnoma shartlarini bajarmagan yoki to‘lovlarni to‘lamagan ko‘rinadi. Xaridorlar o‘rtasida ushbu restaylingning kompaniya va’da qilgan darajada bo‘lmagani borasida noroziliklar kuzatilmoqda.

Avvalroq Kursiv Uzbekistan avtokreditlarni qaysi banklardan qulay shartlarda olish mumkinligi haqida xabar bergan edi.