Bolt Oʻzbekiston bozoriga kirish imkoniyatini koʻrib chiqmoqda

Bolt Oʻzbekiston bozoriga kirish imkoniyatini koʻrib chiqmoqda. Bu haqda IT Park xabar berdi.

IT Park vakillari bilan uchrashuvda Bolt jamoatchilik va davlat tashkilotlari bilan aloqalar boʻlimi boshligʻi Yuliya Malich Oʻzbekistonni kompaniya uchun diqqatga sazovor hudud deb atadi. Uning kuchli tomonlari orasida u raqamli texnologiyalarning jadal rivojlanishi, yosh mutaxassislarning koʻpligi va aholi sonining oʻsishini alohida ta’kidladi.

Bolt Oʻzbekiston Raqamli texnologiyalar vazirligi va respublikaning boshqa davlat organlari bilan hamkorlik qilishdan manfaatdor. Hamkorlikning birinchi bosqichi boshlovchi mutaxassislar va startap jamoalari uchun qoʻshma mahorat darslari boʻlishi mumkin.

IT Park kompaniyaning dasturiy taʼminoti ustida ishlashga mahalliy mutaxassislarni jalb qilishni taklif qildi. Bundan tashqari, IT Park Oʻzbekistonda Bolt bek-ofisini ochishni qoʻllab-quvvatlashga tayyor.

Bolt kompaniyasining asosiy mahsuloti – bu taksi xizmati, karshering va elektr samokatlar ijarasi, oziq-ovqat va mahsulotlarni yetkazib berish xizmatlarini birlashtirgan ilovadir. Kompaniya dunyoning bir necha oʻnlab mamlakatlarida ishlaydi. Uning bosh ofisi Tallinda (Estoniya) joylashgan.

Avvalroq Kursiv Uzbekistan IT Park rezidentlari sonini 3 mingtaga yetkazmoqchi ekani haqida yozgan edi.