21-yanvar kuni qanday ob-havo kuzatiladi

Bugun O‘zbekiston bo‘ylab havo biroz bulutli bo‘lib, ba’zi joylarda yomg‘ir va qor yog‘ishi mumkin. Bu haqda » O‘zgidromet» agentligi ma’lum qildi.

Unga ko‘ra, 21-yanvar kuni Toshkent va Namangan viloyatlarining tog‘li hududlarida qor ko‘chish xavfi borligi e’lon qilindi. Shu sababli, ushbu hududlarda xavfsizlikni ta’minlash uchun maxsus choralar ko‘rish tavsiya etiladi.

Toshkent shahrida 21-yanvar kuni havo biroz bulutli bo‘lib, vaqti-vaqti bilan yomg‘ir yog‘ishi kutilmoqda. Kechasi va ertalab esa tuman tushishi mumkin. Harorat kechasi 2-4°C, kunduzi esa 8-10°C bo‘ladi. Shamolning tezligi 5-10 m/s atrofida bo‘ladi.

Qoraqalpog‘iston, Xorazm, Buxoro, Navoiy va boshqa viloyatlarda yomg‘ir va qor yog‘ishi, tuman tushishi mumkin. Shamolning tezligi ba’zi joylarda 20-23 m/s gacha kuchayishi mumkin. Harorat esa kechasi 3°C sovuqdan 2°C iliqqacha, kunduzi esa 0-5°C iliq bo‘ladi.

Shuningdek, Andijon, Namangan, Farg‘ona viloyatlarida yomg‘ir yog‘ishi kutilmaydi, lekin ba’zi joylarda tuman tushishi mumkin. Shamol tezligi esa 7-12 m/s bo‘lib, ba’zi joylarda kuchayishi mumkin. Harorat kechasi 0-5°C sovuq, kunduzi esa 5-10°C iliq bo‘ladi.

Tog’li hududlarda esa qor ko‘chish xavfi mavjud bo‘lib, shuningdek, yog‘ingarchilik va tuman ehtimoli ham bor. Havo harorati 0-5°C sovuq, kunduzi esa 0-5°C iliq bo‘ladi.