Microsoft TikTokʼni sotib olishga qiziqish bildirmoqda

Microsoft TikTokʼning Amerika boʻlinmasini sotib olish boʻyicha muzokaralar olib bormoqda. Bu haqda AQSh prezidenti Donald Tramp jurnalistlar bilan suhbatda ma’lum qildi.

Ma’lum qilinishicha, texnologik gigant ijtimoiy tarmoqni sotib olishga katta qiziqish bildirmoqda. Hozircha Tramp bitim tafsilotlarini oshkor qilmadi.

Avvalroq AQSh prezidenti Florida shtatidagi respublikachilar yigʻilishida ijtimoiy tarmoqning ehtimoliy kelajagi haqida gapirgan edi.

«Koʻramiz, nima boʻladi. Bizda savdolarda ishtirok etishni xohlovchilar koʻp topiladi», – dedi Tramp.

Bungacha TikTok amerikalik milliarder Ilon Mask yoki Oracleʼga sotishi mumkinligi xabar qilingandi.

Dastlab Tramp milliy xavfsizlik nuqtai nazaridan TikTokʼni taqiqlash tarafdori boʻlgan, ammo keyinroq qisman ilovadagi Trampga qarshi kontentning muvaffaqiyati tufayli oʻz nuqtai nazarini oʻzgartirdi.

Avvalroq Kursiv Uzbekistan TikTok tasvirlar bilan ishlash uchun sun’iy intellekt vositasini taqdim etgani haqida yozgan edi.