Microsoft shifokorlar uchun sun’iy intellekt tizimini chiqaradi

Amerikaning Microsoft korporatsiyasi shifokorlar uchun moʻljallangan Dragon Copilot ovozli yordamchisini ishlab chiqaradi. Bu haqda kompaniya saytida xabar berildi.

Sun’iy intellektga (SI) asoslangan xizmat tibbiyot mutaxassislarining muntazam ishini soddalashtiradi va tezlashtiradi. Virtual yordamchi tez tibbiy manbalardan ma’lumot olishi, xat yozishi va bemor tashrifidan soʻng avtomatik ravishda klinik eslatmalar va xulosalarni yaratishi mumkin.

U Dragon Medical One (DMO) va DAX Copilot (DAX) texnologiyalariga asoslangan. Xususan, Microsoftʼning DMO’si unga milliardlab bemor yozuvlarini hujjatlashtirish imkonini beradi. Kompaniya Dragon Copilot xavfsiz arxitekturada ishlayotganini ta’kidlagan.

«Ushbu texnologiya shifokorlarga kompyuterga emas, bemorga e’tibor qaratish imkonini beradi, bu esa yaxshi natijalarga olib keladi va pirovardida hamma uchun yaxshi sogʻliqni saqlashga olib keladi», – dedi Microsoft bosh tibbiy xodimi Devid Ryu.

Kompaniya xulosasiga koʻra, AQShda shifokorlarning charchash darajasi 2023-yildagi 53 foizdan 2024-yilda 48 foizgacha pasaygan.

Eslatib o‘tamiz, Kursiv Uzbekistan Qatarda davlat xizmatlarini taqdim etish uchun sun’iy intellektdan foydalanishi haqida yozgan edi.