Yevropa rekord darajada gaz xarid qildi
2025-yil fevral oyida Yevropa suyultirilgan gaz importi rekord darajaga koʻtarildi. Bu haqda gaz eksport qiluvchi mamlakatlar forumi hisobotiga tayanib, «RIA Novosti» xabar bermoqda.
Yevropada yonilgʻi yetkazib berish oʻtgan yilning shu davriga nisbatan 19 foizga oshib, 11,99 million tonnaga yetdi. Ushbu tendensiya quvurlarni yetkazib berishning qisqarishi va sovuq ob-havo sharoitida gazni isitish uchun ishlatish talabining oshishi bilan bogʻliq.
2025-yil mart oyi boshiga kelib, Yevropadagi yerosti gaz omborlaridagi yonilgʻi zaxiralari ularning umumiy sigʻimining deyarli 38 foizigacha kamaydi. Bu soʻnggi uch yildagi eng past koʻrsatkichdir. Yevropada gaz infratuzilmasi operatorlari assotsiatsiyasi maʼlumotlariga koʻra, bu koʻrsatkich mart oyi boshidagi soʻnggi besh yildagi oʻrtacha koʻrsatkichdan 11,46 foizga past. Yevropa davlatlari 2024-yilning 31-martida yakunlangan oxirgi isitish mavsumini yerosti gaz omborlarida 58,44 foiz toʻldirish darajasi bilan yakunlagan.
Avvalroq Kursiv Uzbekistan Samarqandda 124,2 mln soʻmlik gazdan noqonuniy foydalangan korxona aniqlangani haqida yozgan edi.
