O‘zbekistondagi ovqatlanish shoxobchalarida mingdan ortiq xodimlar tibbiy ko‘riksiz ishlab kelgan
eʼlon qilindi
380 ta ovqatlanish shoxobchasidagi xodimlar
Respublikadagi 380 ta ovqatlanish shoxobchasida mingdan ortiq xodimlar tibbiy ko‘riksiz ishlayotgani ma’lum bo‘ldi. Bu haqda Raqobat qo‘mitasi ma’lum qildi.
Aniqlanishicha, 2,8 ming nafardan ortiq xodimlar orasida 1 164 nafari (41 %) tibbiy ko‘riksiz ishlab kelmoqda. Hududlar kesimida quyidagicha ko‘rsatkich yuzaga kelgan:
| Hududlar | O‘rganishlar olib borilgan korxonalar soni | Tibbiy ko‘rikdan o‘tmagan xodimlar soni |
| Qoraqalpog‘iston Respublikasi | 14 ta | 84 nafar (128 xodimdan) |
| Surxondaryo viloyati | 52 ta | 123 nafar (301 xodimdan) |
| Sirdaryo viloyati | 222 ta | 304 nafar (1,126 xodimdan) |
| Namangan viloyati | 11 ta | 163 nafar (185 xodimdan) |
| Jizzax viloyati | 33 ta | 337 nafar xodimning barchasi |
| Farg‘ona viloyati | 49 ta | 150 nafar (393 xodimdan) |
O‘rganish jarayonida jami 410 nafar xodimga tibbiy ko‘rikdan o‘tishga sharoit yaratildi.
Ma’lumot uchun, O‘zbekistonda bugungi kunda 21 mingdan ortiq umumiy ovqatlanish korxonalari faoliyat yuritmoqda.
Avvalroq Kursiv Uzbekistan Sirdaryodagi korxonaga 2,3 mlrd so‘mlik noreal elektr qarzdorligi hisoblangangani haqida yozgandi.
