Olmazor tumanidagi ko‘chalarga nom berish bo‘yicha ovoz berish boshlandi

Toshkent shahar hokimligi Olmazor tumanidagi nomsiz ko‘chalarni nomlash va takroriy nomlangan ko‘chalarni qayta nomlash bo‘yicha aholi fikrini yig‘moqda. Ovoz berish 2025-yil 21-apreldan 5-maygacha davom etadi.

Fuqarolar o‘z fikrini quyidagicha bildirishi mumkin:

• Online: geonom.tashkent.uz orqali;
• Og‘zaki: +998 71 210 04 13 (ish kunlari 09:00 – 17:00);
• Yozma: 100060, Toshkent, Chilonzor tumani, Islom Karimov ko‘chasi, 51-uy;
• Elektron pochta: geonom@digitaltashkent.uz.

Takliflar «Geografik obyektlarning nomlari to‘g‘risida»gi Qonunning 4-1-moddasiga asosan ko‘rib chiqiladi. Poytaxt aholisi faol ishtirok etishi so‘raladi, – deyiladi hokimlik xabarida.

Avvalroq Kursiv Uzbekistan Toshkentdagi koʻchalardan biri ikki haftaga qisman yopilgani haqida xabar bergan edi.