Citroen kompaniyasi Yevropa uchun budjetli e-C3 va e-C3 Aircross elektr avtomobillarini taqdim qildi. Bu haqda 32cars nashri xabar bermoqda.
Citroen Yevropa uchun ikkita hamyonbop elektromobilni taqdim etdi. Ya’ni e-C3 va e-C3 Aircross modellari yangilangan holda taqdim etildi. Ikkala model ham budjet yechimlariga qaratilgan Stellantis kompaniyasining Smart Car platformasida ishlab chiqarilgan.
e-C3 modelining uzunligi 4,02 m bo‘lib, 113 ot kuchiga ega elektr motor bilan jihozlangan. U WLTP bo‘yicha 315 km masofani ta’minlovchi 44 kVt/soat batareyaga ega. Modelni 100 kVtgacha tez zaryadlash mumkin (26 daqiqada 20–80%). 200 km WLTP diapazoniga ega yangi asosiy versiya yil oxirigacha savdoga chiqadi. Uning narxi 20 ming yevroga baholanmoqda.
e-C3 Aircross krossoveri (uzunligi 4,40 m) xuddi shunday quvvat uzatuvchisi bilan jihozlangan, biroq kattaroq o‘lchamlari tufayli masofa 307 km bilan cheklanadi. Uning narxi 25,2 ming yevrodan boshlanadi. 400 km masofaga ko‘tarilgan versiya esa 29,4 ming yevroga baholangan.
| Xususiyat | Citroen e-C3 | e-C3 (arzon) | e-C3 Aircross | e-C3 Aircross (400 km) |
|---|---|---|---|---|
| Uzunligi | 4,02 m | 4,02 m | 4,40 m | 4,40 m |
| Quvvati | 113 ot kuchi | 113 ot kuchi | 113 ot kuchi | 113 ot kuchi |
| Batareya | 44 kVt/soat | Kichikroq | 44 kVt/soat | Katta batareya |
| Yurish masofasi | 315 km | 200 km | 307 km | 400 km |
| Boshlang‘ich narx | 22 590 yevro | 19 990 yevro | 25 280 yevro | 29 490 yevro |
Eslatib o‘tamiz, Kursiv Uzbekistan 2025-yil 23-aprel kuni Shanxay avtosalonida BYD kompaniyasi tomonidan yangi konsept avtomobillari – Dynasty-D va Ocean-S modellari taqdim etilgani haqida yozgan edi.
