Uzoq masofaga yurgan avtomobillar haqida yozilgan maqolalar hamisha qiziq bo‘lgan. 32cars nashri 1 mln km yurgan eng yaxshi 5 ta mashina haqida material e’lon qildi.
Toyota Tundra
Amerikalik Vik Shepard o‘zining 2014-yilgi Tundra avtomashinasini 1,6 million km dan ortiq masofani bosib o‘tdi, shu vaqt ichida u faqat bir marta alternator va transmissiyani almashtirdi. U ilgari o‘zining avvalgi Tundra’sida xuddi shu sayohatni yakunlagan. Buning uchun Toyota unga yangi pikap sovg‘a qilgan.
Moskvich-2140
Gerxard Shott 1976-yilgi sovet mashinasida 1 mln km yurgan. Avtomobil shu qadar ishonchli bo‘lib chiqdiki, o‘nlab yillar davomida ishlagandan so‘ng faqat dvigatelni yangisiga almashtirish kerak bo‘lgan.
BMW 325iS
1990-yilda Mobil1 tomonidan tajriba o‘tkazildi: BMW 325iS stendga o‘rnatildi va 1 mln km masofani bosib o‘tdi. Demontajdan so‘ng dvigatel minimal eskirishni ko‘rsatgan. Bu brend uchun marketing muvaffaqiyatiga aylangan.
Hyundai Elantra
Kanzasda yashovchi Farrah Xeyns 2013-yilda Elantra avtomobilida 1,6 mln mil yurgan. Avtomobilga sodiqligi uchun Hyundai unga yangi model va «1 million mil club» yozuvi bo‘lgan tilla ramkalarni sovg‘a qilgan.
Land Rover Discovery
Camel Trophy musobaqasida ishtirok etgan Land Rover Discovery Rossiya bo‘ylab 1 mln km masofani bosib o‘tdi va Sergey Trofimenko kollektsiyasiga kirgan.
Eslatib o‘tamiz, Kursiv Uzbekistan nashri Chevrolet Malibu va Kia K5 modellarini taqqoslagan edi.
