Smartfonning qizib ketishi uning texnik imkoniyatlariga bog‘liq bo‘lsa-da, sizning foydalanishdagi diqqatingiz ham qurilmaga ta’sir o‘tkazadi. Kursiv Uzbekistan nashrining navbatdagi maqolasida telefonlarni qizib ketishining oldini olishga doir tavsiyalarni bitta maqolaga joyladi.
Keraksiz ilovalarni yoping
Fon rejimida ishlayotgan ilovalar protsessorni charchatadi. Bu ortiqcha kuchlanish va qizib ketishiga sabab bo‘lishi mumkin. Shuningdek, har doim ishlatilmayotgan ilovalarni yopib turing. Ilovalar, o‘yinlarda foydalanayotganda internet yoniq bo‘lishi qurilmangizni qizishi, energiya is’temolini oshirishi mumkin.
To‘g‘ridan to‘g‘ri quyosh nuridan saqlang
Quyosh ostida uzoq turish telefonni tezda qizdiradi. Soyada yoki salqin joyda ishlating. Quvvatlash uchun qo‘yganingizda quyosh nuri yoki ortiqcha issiqlik tushmasligiga e’tibor qarating. Qurilma qizib ketayotganda iloji boricha salqin joyda foydalaning.
Quvvat olayotganda ishlatmaslikka harakat qiling
Telefonni zaryad olayotganda video ko‘rish yoki o‘yin o‘ynash qizishni kuchaytiradi. Imkon bo‘lsa, zaryad olayotganda ishlatmang.
Qalin g‘iloflardan foydalanmang
Ba’zi qoplamalar issiqlikni ushlab qoladi. Havoni yaxshi o‘tkazadigan yengil g‘ilof ishlating.
Yorqinlik va ishlash rejimini nazorat qiling
Ekran yorqinligini pasaytiring. «Battery Saver» yoki «Power Saving Mode» rejimini yoqing.
Og‘ir o‘yin va ilovalardan uzoqroq turing
Juda ko‘p grafik kuch talab qiladigan o‘yinlar qizishga sabab bo‘ladi. Ularni uzoq vaqt davomida ishlatmaslikka harakat qiling.
Eslatib o‘tamiz, Kursiv Uzbekistan nashri 200 dollarga qanday smartfon sotib olish mumkinligi haqida maqola e’lon qilgan edi.
