Shavkat Mirziyoyev rasmiy tashrif bilan Moskvada
eʼlon qilindi
G‘alabaning 80 yilligiga bag‘ishlangan tadbirlarda ishtirok etish uchun
8-may kuni Shavkat Mirziyoyev amaliy tashrif bilan Moskva shahriga keldi. Bu haqda prezident matbuot xizmati ma’lum qildi.
Davlat rahbarini rasmiy qarorgohda Rossiya prezidenti Administratsiyasi rahbarining o‘rinbosari Maksim Oreshkin va bosh vazirning birinchi o‘rinbosari Denis Manturov kutib oldi.
Tashrif doirasida prezident Ikkinchi jahon urushidagi G‘alabaning 80 yilligiga bag‘ishlangan tantanali tadbirlarda ishtirok etadi hamda Rossiya tomoni bilan muhim ikki tomonlama uchrashuvlar o‘tkazadi.
Eslatib o‘tamiz, avvalroq Mirziyoyev Xotira va qadrlash kuni munosabati bilan O‘zbekiston xalqiga tabrik yo‘llagan edi.
