Huawei kompaniyasi o‘z lineykasi doirasida yangi smartfonlarini taqdim etishda davom etmoqda. Huawei’ning eng yangi smartfonlari qancha turadi? Kursiv Uzbekistan muxbiri ularning narxlari bilan qiziqib ko’rdi.
Foydalanuvchilar tomonidan juda yaxshi kutib olingan Huawei Mate X6 modeli O‘zbekistonda ham sotila boshlandi. Umuman olganda kompaniyaning Mate, Pura va Nova lineykalari mavjud. Siz bu maqoladan ularning hozirdagi narxlarini bilib olishingiz mumkin.
Bu maqolada qaysi modellar haqida bilib olasiz:
Huawei Mate x6
Huawei Mate X6 ilk bor 2024-yil 26-noyabrda Xitoyda taqdim etildi. Global miqyosda esa 2024-yil 12-dekabrda Dubayda bo’lib o’tgan tadbirda e’lon qilindi va 2025-yil 6-yanvarda sotuvga chiqarildi .
Dizayn va ekran
Huawei Mate X6 bukiladigan dizayni bilan ajralib turadi. Qurilmaning asosiy ekrani 7.93 dyuymli OLED bo’lib, 2440 × 2240 pikselli yuqori aniqlikda tasvir beradi. Tashqi ekrani esa 6.45 dyuymli OLED bo’lib, 2440 × 1080 pikselli aniqlikka ega. Har ikkala ekran ham 1–120 Hz LTPO adaptiv yangilanish tezligi va 1440 Hz yuqori chastotali PWM qoraytirish texnologiyasini qo’llab-quvvatlaydi .
Texnik xususiyatlar
- Protsessor: Kirin 9020
- Operativ xotira (RAM): 12 GB yoki 16 GB
- Ichki xotira: 256 GB, 512 GB yoki 1 TB
- Operatsion tizim: EMUI 15.0 (Xitoy versiyasi HarmonyOS 4.3 bilan)
- Batareya: 5110 mAh, 66W tezkor simli va 50W simsiz zaryadlashni qo’llab-quvvatlaydi .
Kamera
Huawei Mate X6 uchli kamera tizimi bilan jihozlangan:
- Asosiy kamera: 50 MP
- Ultra keng burchakli kamera: 40 MP
- Telefoto makro kamera: 48 MP, 4x optik zum, 5 sm super makro
- Selfi kamera: 8 MP
Kamera tizimi Ultra Chroma texnologiyasi bilan to’ldirilgan bo’lib, 1.5 million spektral kanal orqali ranglarni aniq va tabiiy tarzda uzatadi .
Boshqa xususiyatlar
- Himoya: Kunlun Glass 2-avlod oynasi bilan mustahkamlangan
- Suvga chidamlilik: IPX8 standarti bo’yicha 2 metr chuqurlikda suvga chidamli
- Materiallar: Karbon tolali ichki ekran plitasi, aviatsiya darajasidagi alyuminiy ramka
- Rang variantlari: Nebula Qizil, Qora, Nebula Kulrang .
Video : Huawei
Ushbu smartfonni 19,2 mln so‘m evaziga 12 GB operativ xotira, 512 GB ichki xotirali variantini xarid qila olasiz. Hozircha Olx e’lonlar saytida mavjud.
Pura lineykasi
| Xususiyatlar | Huawei Pura 70 | Huawei Pura 70 Pro | Huawei Pura 70 Ultra |
|---|---|---|---|
| Chiqarilgan sana | 2024-yil 6-may | 2024-yil 29-aprel | 2024-yil aprel |
| Ekran | 6.6″ LTPO OLED, 1–120 Hz, 2760×1256 piksel | 6.8″ LTPO OLED, 1–120 Hz, 2844×1260 piksel | 6.8″ LTPO OLED, 1–120 Hz, 2844×1260 piksel |
| Protsessor | Kirin 9000S1 | Kirin 9010 | Kirin 9010 |
| RAM | 12 GB | 12 GB yoki 16 GB | 16 GB |
| Xotira | 256 GB / 512 GB / 1 TB | 256 GB / 512 GB / 1 TB | 512 GB / 1 TB |
| Batareya | 4900 mAh, 66W simli, 50W simsiz zaryadlash | 5050 mAh, 100W simli, 80W simsiz zaryadlash | 5200 mAh, 100W simli, 80W simsiz zaryadlash |
| Asosiy kamera | 50 MP (asosiy), 13 MP (ultra keng), 12 MP (telefoto) | 50 MP (asosiy), 12 MP (ultra keng), 48 MP (telefoto) | 50 MP (1″ sensor, f/1.6–f/4.0), 40 MP (ultra keng), 50 MP (telefoto) |
| Old kamera | 13 MP | 13 MP | 13 MP |
| Operatsion tizim | EMUI 14.2 / HarmonyOS 4.2 | EMUI 14.2 / HarmonyOS 4.2 | EMUI 14.2 / HarmonyOS 4.2 |
| Himoya | Kunlun Glass 2, IP68 | Kunlun Glass 2, IP68 | Kunlun Glass 2, IP68 |
Huawei Pura 70 Ultra smartfonini openshop onlayn do‘konidan 15,3 mln so‘m evaziga 16 GB operativ xotira, 512 GB ichki xotirali variantini xarid qila olasiz. Pura 70 smartfonini onlayn do‘konidan 8 mln so‘m evaziga 12 GB operativ xotira, 256 GB ichki xotirali variantini xarid qila olasiz. Pura 70 pro smartfonini 11,2 mln so‘m evaziga 12 GB operativ xotira, 512 GB ichki xotirali variantini xarid qilishingiz mumkin.
Nova seriyasi
| Model | Displey | Chipset | Kamera | Batareya | Operatsion tizim | Chiqqan sana |
|---|---|---|---|---|---|---|
| Nova 13 Pro | 6.76″ OLED, 120Hz | Kirin 9010 | 50 MP (asosiy) + 8 MP (ultra) + 60 MP (old) | 4500 mAh, 100W tez zaryad | HarmonyOS 4 | 2024-yil aprel |
| Nova 13 | 6.7″ OLED, 120Hz | Kirin 9000s | 50 MP + 8 MP, 60 MP (old kamera) | 4600 mAh, 88W tez zaryad | HarmonyOS 4 | 2024-yil aprel |
| Nova 13i | 6.8″ LCD, 90Hz | Snapdragon 680 4G | 50 MP + 2 MP, 8 MP (old kamera) | 5000 mAh, 40W tez zaryad | EMUI 14 | 2024-yil mart |
| Nova 12s | 6.7″ OLED, 120Hz | Kirin 830 | 50 MP + 8 MP, 60 MP (old kamera) | 4500 mAh, 66W tez zaryad | HarmonyOS 4 | 2024-yil yanvar |
| Nova Y72s | 6.75″ LCD, 60Hz | MediaTek Dimensity 6100+ | 50 MP + 2 MP, 8 MP (old kamera) | 6000 mAh, 22.5W zaryad | EMUI 14 | 2024-yil may |
Huawei Nova 12s smartfonini openshop onlayn do‘konidan 3,5 mln so‘m evaziga 8 GB operativ xotira, 256 GB ichki xotirali variantini sotib olishingiz mumkin. Uzum marketdan 4 mln so’mga xarid qilish imkoniyati bor. Beemarket’da esa nisbatan qimmatroq, 5 mln so’m evaziga bu smartfon taklif qilinmoqda.
Nova 13i smartfoni openshop onlayn do‘konida 2,4 mln so‘m evaziga 8 GB operativ xotira, 256 GB ichki xotirali variantini sotuvda mavjud. Texnomartda smartfon 2,6 mln so’m evaziga savdoda qo’yilgan.
Huawei Nova Y72s smartfonini Texnomart onlayn do‘konidan 2,2 mln so‘m evaziga 8 GB operativ xotira, 128 GB ichki xotirali variantini xarid qila olasiz. Uzum marketda 2 mln so’mga xarid qilish imkoningiz bor. Openshop onlayn do’konida 1,8 mln so’mga sotuvda mavjud.
Nova 13 smartfoni Openshop onlayn do‘konida 4,8 mln so‘m evaziga 12 GB operativ xotira, 256 GB ichki xotirali variantini sotuvda mavjud. Texnomart do’konidan 5 mln so’mga xarid qilishingiz mumkin. Mediaparkda 4,4 mln so’mga sotib olishingiz mumkin.
Huawei Nova 13 Pro smartfonini Openshop onlayn do‘konidan 6,8 mln so‘m evaziga 12 GB operativ xotira, 512 GB ichki xotirali variantini sotib olishingiz mumkin. Mediaparkda ham xuddi shunday summada taklif mavjud.
Avvalroq Kursiv Uzbekistan Xiaomi’ning eng yangi smartfonlari narxlari O‘zbekistonda qancha ekanligi haqida yozgan edi.
