Leapmotor asoschisi Chju Syanmin o‘lim haqidagi mish-mishlarni rad etdi

Zero Run va Leapmotor avtomobil kompaniyasi asoschisi va raisi Chju Jiangming o‘zining o‘limi haqidagi mish-mishlarni rad etdi. Bu haqda ITHome nashri xabar bermoqda.

Chju Jiangming o‘zining yillik maoshi haqida tarqalgan noto‘g‘ri ma’lumotlarga ham munosabat bildirdi. Uning aytishicha, hozirgi yillik maoshi atigi 8 ming yuan bo‘lib, bu summa faqat ijtimoiy sug‘urta to‘lovlarini qoplash uchun ishlatiladi. U kompaniya tashkil etilganidan beri jami 2 mln yuandan kamroq maosh olganini qo‘shimcha qilgan.

Zero Run kompaniyasining 2024-yildagi moliyaviy ko‘rsatkichlariga ko‘ra, daromad $45,02 mlrdga yetib, 2023-yilga nisbatan 92 foizga oshgan. Kompaniya 2024-yilning to‘rtinchi choragida esa $11,2 mln sof foyda ko‘rsatib, avtomobil ishlab chiqaruvchi yangi kompaniyalar orasida foyda ko‘rgan ikkinchi kompaniyaga aylangan.

Eslatib o‘tamiz, Kursiv Uzbekistan nashri Leapmotor kompaniyasi 2025-yil 15-may kuni Xitoy bozorida C10 SUV modelining yangilangan versiyasini taqdim etgani haqida yozgan edi.