Chevrolet Traverse zaxiralari may oyida biroz yaxshilandi. Bu haqda GMAutority avtomobil nashri xabar bermoqda.
Chevrolet Traverse modeli uchun esa zaxira 23 kundan 26 kunga ko‘tarildi. Bu muvozanatga yaqinlashayotgan belgidir. Hozirda 7 000 ga yaqin yangi Traverse avtomobili dilerlarga yo‘l olgan.
Traverse zaxirasi Trax va Tahoe modellari bilan teng sonni tashkil etgan. Avtomobil sanoatida optimal zaxira miqdori 60 kun deb hisoblanadi. Bu ko‘rsatkich iste’molchi tanlovi va sotuvchilar ehtiyojiga mos keladi.
GM vakili Skott Bell Traverse modeliga qiziqish yuqoriligini aytgan. Uning so‘zlariga ko‘ra, ko‘plab mijozlar Ford va Jeep’dan Traverse’ga o‘tayapti.
2024-yilda uchinchi avlod Chevrolet Traverse taqdim etilgandi. 2025-yil modelida LS va 1LF komplektatsiyalari to‘xtatildi.
Ma’lumot o‘rnida, Chevrolet Traverse – bu General Motors kompaniyasiga qarashli Chevrolet brendi tomonidan ishlab chiqariladigan yirik o‘lchamli 3 qatorli krossover bo‘lib, birinchi marta 2009-yilda taqdim etilgan. Uning so‘nggi, uchinchi avlodi 2024-yilda namoyish etildi. Yangi Traverse yangilangan sport dizayni, kengroq salon va ilg‘or texnologiyalar bilan jihozlangan.
2025-yilgi model 2.5 litrli turbo benzinli dvigatelga ega bo‘lib, 315 ot kuchini ishlab chiqaradi. U 8 pog‘onali avtomat uzatmalar qutisi bilan jihozlangan va old g‘ildirakdan yoki to‘liq yurituvchi tizimda (AWD) taqdim etiladi. Mashina 7 yoki 8 nafar yo‘lovchiga mo‘ljallangan, trim darajasiga qarab farq qiladi.
Salon sig‘imi juda katta: uch qator o‘rindiq bilan 651 litr, orqa o‘rindiqlar yig‘ilgan holatda esa 2780 litrgacha yuk sig‘adi. Yoqilg‘i sarfi shahar sharoitida taxminan 11.5 litr, trassada esa 8.5 litrni tashkil qiladi.
Ushbu modelni O‘zbekistonda 658 mln so‘mga xarid qilish mumkin.
Yangi Chevrolet Traverse avtomobili foydalanuvchi uchun qulaylik taqdim etadi. Deyarli 8 o‘rindiqli va keng bagaj sig‘imiga ega, boshqaruv rejimini tanlash funksiyali haydovchi tizimi, mustahkam ko‘rinish va yangilangan interyerli avtomobil bir qator ustuvorliklarga ega.
Eslatib o‘tamiz, Kursiv Uzbekistan nashri Chevrolet kompaniyasi Tracker RS 2025 taqdim etgani haqida yozgan edi.
