Mazda AQSHdagi 170 ming mashinasini qaytarib oladi

AQSh Milliy Yo‘l harakati xavfsizligi boshqarmasi Mazda avtomobillarining xavfsizlik yostig‘ining o‘z-o‘zidan o‘chirilishi bilan bog‘liq hodisalar bo‘yicha tergov boshlanganini e’lon qildi. Bu haqda Carscoops xabar berdi. 

Tergov boshlangandan so‘ng Mazda Airbag sensori noto‘g‘ri o‘rnatilganini tan oldi va 2024-2025-yillarda ishlab chiqarilgan 171 412 ta xetchbek va krossoverlarni global qaytarib olishni boshladi. 

Muammolar haqida birinchi marta o‘tgan yozda ma’lum bo‘lgan edi. Mazda aniqlashicha, agar egasi tasodifan o‘t oldirish kalitini ikki soat yoki undan ko‘proq vaqt davomida ishlaydigan dvigatelsiz yoqilgan holatda qoldirsa va batareya to‘liq zaryadsizlansa, xavfsizlik yostiqlari sensori noto‘g‘ri ishlaydi, ichki xatolikni saqlab qoladi va avariya holatida airbaglar ochilmaydi.

Dastlab, Mazda’ning pozitsiyasi shundan iborat ediki, muammo foydalanuvchilarning xatolari tufayli yuzaga keladi. Biroq, avtomobil egalarining shikoyatlari AQShning tartibga soluvchi organlarini tekshirish tashabbusi bilan chiqishga majbur qildi. Natijalarni kutmasdan, Shimoliy Amerika idorasi o‘z nuqtai nazarini o‘zgartirdi va barcha mashinalarni qaytarib olishga qaror qildi.

Avvalroq Kursiv Uzbekistan Mazda AQSHda yana 12 mingdan ortiq MX-5 Miata mashinasini chaqirib olayotgani haqida yozgandi.