Eron tashqi ishlar vaziri Putin bilan Yaqin Sharqdagi vaziyatni maslahatlashish uchun keldi
Rossiya prezidenti Vladimir Putin bugun Eron Tashqi ishlar vaziri Abbos Araqchi bilan uchrashuv o‘tkazdi.
Eronning IRNA agentligi xabar berishicha, respublika tashqi ishlar vaziri rahbari AQSH va Isroilning Eron hududiga zarbalari munosabati bilan Rossiya yetakchisi va yuqori martabali amaldorlar bilan mintaqaviy va xalqaro kun tartibidagi masalalar bo‘yicha maslahatlashish niyatida.
Sodir bo‘layotgan voqealarga nisbatan bizning pozitsiyamiz yaxshi ma’lum. U aniq bayon etilgan.>…< Eronga nisbatan asossiz mutlaq tajovuz hech qanday asos va bahonaga ega emas. Eron bilan uzoq yillik, yaxshi, ishonchli munosabatlarimiz bor. Biz o‘z tomonimizdan Eron xalqiga yordam berish uchun sa’y-harakatlarni amalga oshirmoqdamiz, deydi Putin o‘z so‘zida.
Eron TIV yadro dasturi sohasida Rossiya hamkor sifatida Busherda atom elektr stansiyasini quryotgani, bu sohada, shuningdek, yadroviy kelishuvlarga erishish masalalarida yordam berayotganini ta’kidlagan.
Shuningdek, Abbos Araqchi rossiyalik hamkasblariga Isroil va AQShning Eronga nisbatan tajovuzkor harakatlarni keskin qoralagani uchun minnatdorchilik bildirdi va mamlakatning to‘g‘ri tomonda ekanligini e’tirof etgan.
Avvalroq Kursiv Uzbekistan Tramp Eron rahbariyati o‘zgarishi ehtimolini istisno qilmagani, bu haqda ijtimoiy tarmoqdagi sahifasiga post joylagani haqida xabar bergandi.
