AnTuTu mualliflari iyun oyidagi eng sevimli Android smartfonlar reytingini e’lon qildi. Bu haqda 4pda xabar bermoqda.
Foydalanuvchilar fikriga ko‘ra, birinchi o‘rinni Huawei Mate 70 Pro+ modeli egalladi. U 98,51 foiz ijobiy baho olgan bo‘lsa-da, undagi Kirin protsessori raqobatchilarga nisbatan ancha sust ishlaydi.
Ikkinchi va uchinchi o‘rinlarni Xiaomi 15S Pro hamda Honor Magic6 Ultimate Edition modellari band etdi. Reytingdagi yagona Xitoydan tashqari ishlab chiqarilgan model – Samsung Galaxy S24+ bo‘lib, u 94,34 foiz ko‘rsatkich bilan to‘qqizinchi o‘rinda qayd etilgan. So‘nggi Galaxy S25 Ultra esa faqat 14-o‘ringa tushgan.
| № | Telefon nomi | Baho (%) |
|---|---|---|
| 1 | Huawei Mate 70 Pro+ | 98.51% |
| 2 | Xiaomi 15S Pro | 97.42% |
| 3 | Honor Magic6 Ultimate Edition | 97.36% |
| 4 | Redmi K80 Ultimate Edition | 96.82% |
| 5 | Xiaomi 15 Ultra | 96.53% |
| 6 | Huawei Mate 70 Pro | 96.00% |
| 7 | vivo X200 Ultra | 95.88% |
| 8 | OPPO Find X8 Ultra | 94.55% |
| 9 | Samsung Galaxy S24+ | 94.34% |
| 10 | vivo X Fold3 Pro | 93.93% |
AnTuTu statistikasi, asosan, Xitoy bozoriga asoslangan bo‘lsa-da, bu ro‘yxat smartfonlar ommabopligini ko‘rsatishda muhim mezon bo‘lib xizmat qiladi.
Eslatib o‘tamiz, Kursiv Uzbekistan eng yaxshi kameraga ega smartfonlar reytingi aniqlangani haqida yozgan edi.
Yangilangan reytingda Oppo Find X8 Ultra 169 ball bilan birinchi o‘rinni egalladi. Ikkinchi pog‘onani Huawei Pura 70 Ultra 163 ball bilan band etdi. iPhone 16 Pro Max 161 ball bilan uchinchi o‘ringa joylashdi.
