«Chelsi» klubi yangi formatdagi Klublar o‘rtasidagi jahon chempionatining birinchi g‘olibiga aylandi. Bu turnirda jamoa nafaqat sportda, balki moliyaviy jihatdan ham yuksak natijaga erishdi. Klub umumiy hisobda $114 million daromad ko‘rdi.
Musobaqa formatiga ko‘ra, har bir klub ishtirok uchun boshlang‘ich bonusga ega bo‘ldi. Ushbu bonus konfederatsiyalarga qarab farq qildi: Yevropa va Janubiy Amerika klublari eng katta summalarni oldi. Guruh bosqichida «Chelsi»ning har bir g‘alabasi $2 mln dollar, durang natijalari esa $1 mln bilan baholandi.
Pley-off bosqichlarida mukofot pullari bosqichga qarab oshib bordi:
- 1/8 final bosqichiga chiqqani uchun – 7,5 mln;
- 1/4 final – 13,125 mln;
- Yarimfinal – 21 mln;
- Finalda ishtirok – 30 mln;
- Finaldagi g‘alaba uchun qo‘shimcha – 10 mln;
Shunday qilib, «Chelsi» barcha bosqichlarda muvaffaqiyatli qatnashib, maksimal darajada daromad oldi.
Avvalroq Kursiv Uzbekistan «Chelsi» – yangi formatdagi Klublar oʻrtasida jahon chempioni bo‘lgani haqida xabar bergan edi.
