Volkswagen 160 ot kuchiga ega yangi Lavida Pro modelini taqdim etadi. Bu haqda ITHome nashri xabar berdi.
Xabarga ko‘ra, avtomobilning old paneli ikki xil variantda taqdim etiladi. Klassik variant xromlangan panjara bilan jihozlanib, gorizontal elementlar qat’iy uslub yaratadi. Starry sky varianti esa boshqacha panjara, Lingmou LED faralari, to‘liq LED chiroq chiziqlari va yoritiluvchi logotip bilan ajralib turadi.
Yangi Lavida Pro yashirin eshik tutqichlari va 15, 16 yoki 17 dyuymli g‘ildirak disklari bilan ajralib turadi. Orqa qismi qanot shaklidagi LED orqa chiroqlar va yashirin chiqarish tizimi bilan to‘ldirilgan. Avtomobilning o‘lchamlari 4720 mm uzunlik, 1806 mm kenglik, 1482 mm balandlik bo‘lib, g‘ildirak bazasi 2688 mm ni tashkil etadi.
Quvvat konfiguratsiyasiga kelsak, Lavida Pro 1,5T va 1,5L ikkita dvigatel bilan jihozlanadi. Ular orasida 1,5T dvigatelining maksimal quvvati 160 ot kuchiga, 1,5L dvigatelining maksimal quvvati esa 110 ot kuchiga teng.
Avvalroq Kursiv Uzbekistan Volkswagen Xitoydagi zavodini yopayotgani haqida yozgandi.
Ushbu zavod 2008-yilda Xitoyning Nankin shahrida Volkswagen va mahalliy SAIC kompaniyasi hamkorligida ochilgan. Mazkur zavod yillik 360 ming dona avtomobil ishlab chiqarish quvvatiga ega bo‘lgan, ayni paytda esa u Passat va Skoda Superb modellarini ishlab chiqarayotgandi. So‘nggi yillarda ishlab chiqarish hajmi sezilarli darajada kamaygan.
