Dollar 12 600 so‘mdan pastladi
Bugun, 18-iyul kuni dollar kursi 79,98 so‘mga pastlab, 12 578,21 so‘mni qayd etdi. Bu haqda Valyuta birjasi xabar bermoqda.
Dollar kursining so‘nggi uch kunlikdagi qiymati
| Sana | Kurs (so‘m) | O‘zgarish |
|---|---|---|
| 17-iyul | 12 658,19 | -100,17 so‘m |
| 16-iyul | 12 758,36 | -19,76 so‘m |
| 15-iyul | 12 778,12 | +78,98 so‘m |
30-iyun kuni dollar kursi 40,84 so‘mga oshib, 12 694,97 so‘mga yetdi. Bu hafta boshidagi eng yuqori ko‘rsatkichlardan biri bo‘ldi.
1-iyuldan boshlab dollar kursida bosqichma-bosqich pasayish boshlandi. 1-iyul kuni kurs 18,86 so‘mga kamayib, 12 676,11 so‘mni tashkil etdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mga tushdi. 3-iyulda pasayish davom etdi, kurs yana 34,15 so‘mga kamayib, 12 557,56 so‘m bo‘ldi.
4-iyul kuni vaziyat o‘zgarib, dollar kursi 49,17 so‘mga ko‘tarilib, 12 606,73 so‘m etib belgilandi.
Shuningdek, Markaziy bank ma’lumotlariga ko‘ra, yevro 38,62 so‘mga pasayib, 14 633,49 so‘mni, rubl esa 1,13 so‘mga pasayib, 160,31 so‘mni tashkil qildi.
Qaysi banklarda AQSh valyutasini qulay narxlarda almashtirish mumkin
Shuningdek, «Pultop» kanali ma’lum qilishicha, 14-iyul kuni soat 15:30 holatiga ko‘ra dollarning maqbul kurslari quyidagi banklarda kuzatilgan.
Banklarga sotish
| Bank nomi | Kurs (so‘m) |
|---|---|
| «Mikrokreditbank» | 12 620 |
| «Agrobank» | 12 620 |
| «Mybank» | 12 600 |
Banklardan sotib olish
| Bank nomi | Kurs (so‘m) |
|---|---|
| «Asaka bank» | 12 660 |
| «Aloqabank» | 12 670 |
| «Poytaxt bank» | 12 780 |
Eslatib o‘tamiz, Kursiv Uzbekistan AQSh valyutasining kursi hafta davomida qanday o‘zgargani haqida yozgan edi.
Shuningdek, AQSh valyutasining iyun oyidagi o‘zgarishi haqida material e’lon qilingan edi.
