Dollar kursi hafta davomida qanchaga oshdi
So‘nggi kunlarda AQSh valyutasi turlicha dinamiklarni ko‘rsatdi. Kursiv Uzbekistan nashri dollar kursining hafta davomida o‘zgarishi yuzasidan maqolasini e’lon qiladi.
Valyuta birjasiga ko‘ra, 2025-yil 25 – 29-avgust haftasida dollar kursida bosqichma-bosqich o‘zgarishlar kuzatildi. 25-avgust kuni kurs 12 305,80 so‘mni tashkil etib, 51,29 so‘mga pasaydi. 26-avgustdan boshlab esa o‘sish qayd etildi: bu kunda dollar 12 354,65 so‘mga ko‘tarilib, 48,85 so‘mga oshdi.
4 – 29-avgust kunlari dollar kursi
27-avgustda o‘sish davom etib, kurs 12 412,98 so‘m bo‘ldi (+58,33 so‘m). 28-avgust kuni esa eng yuqori ko‘rsatkich qayd etilib, dollar 12 482,38 so‘mga chiqdi (+69,40 so‘m).
29-avgustda esa biroz pasayish kuzatildi: kurs 21,68 so‘mga tushib, 12 460,70 so‘mni tashkil etdi.
Umuman olganda, hafta boshida dollar avval pasaygan bo‘lsa-da, keyingi kunlarda barqaror o‘sish kuzatildi va hafta yakunida biroz pasayish bilan tugadi.
AQSh valyutasi 25 – 29-avgust kunlari umumiy hisobda 154,9 so‘mga oshdi.
Hafta davomida dollar kursi
| Sana | Kurs (so‘m) | O‘zgarish (so‘m) |
|---|---|---|
| 25-avgust | 12 305,80 | −51,29 |
| 26-avgust | 12 354,65 | +48,85 |
| 27-avgust | 12 412,98 | +58,33 |
| 28-avgust | 12 482,38 | +69,40 |
| 29-avgust | 12 460,70 | −21,68 |
Dollar kursining yil boshidan turlicha o‘zgarishi bir necha sabablar tufayli kuzatilmoqda. Kursiv Uzbekistan bilan suhbatlashgan mutaxassislar bu barqarorlikni vaqtinchalik deb baholagan.
Farhod Murodovga ko‘ra, yilning ikkinchi yarmida kurs asta-sekin ko‘tarilishi kutilmoqda.
«2025-yil uchun asosiy ssenariy — yilning ikkinchi yarmida mo‘’tadil devalvatsiya ehtimoli saqlanib qolgan holatda barqaror kurs», — deydi Murodov. U shuningdek, «yil boshidagi mustahkamlanish real iqtisodiy o‘zgarishlar (eksport tushumlari, oltin-valyuta zaxiralari, pul o‘tkazmalari o‘sishi) bilan izohlanadi», deb ta’kidlaydi.
Uning so‘zlariga ko‘ra, yilning ikkinchi yarmida kurs «inflyatsiya bosimi va o‘sib borayotgan import ta’siri ostida» asta-sekin ko‘tarilishi mumkin. Iqtisodiyot va moliya vazirligi esa o‘rtacha yillik kursni 1 dollar uchun 13 250 so‘m atrofida prognoz qilmoqda. Bu esa 2024-yilga nisbatan 4-5 foizlik zaiflashuvni anglatadi.
Eslatib o‘tamiz, Kursiv Uzbekistan nashri Markaziy Osiyoda dollar kursi o‘zgarganiga oid maqola e’lon qilgan edi.
