Eron Pro ligasi 4-turidan oʻrin olgan bahsda Oston Oʻrunov toʻp suradigan «Persepolis» safarda «Chadormalu» mehmoni boʻldi. Yakunda tomonlar 0:0 hisobidagi nursiz durangga imzo chekishdi.
Oʻzbekiston milliy terma jamoasi hujumchisi mazkur uchrashuvni asosiy tarkibda boshlab, 62-daqiqada zaxiraga olindi.
Shu tariqa «Persepolis» bugungi o’yindan so’ng oʻz ochkolari hisobini 6 taga yetkazib, turnir jadvalida 4-o’ringa koʻtarilib oldi. «Chadormalu» esa xuddi shuncha ochko bilan 3-oʻrinda bormoqda.
Eron Pro ligasi. 4-tur
«Chadormalu» — «Persepolis» 0:0
Chadormalu — Mardden, Mohammadfar, Vitao, Arta, Portokarrera, Dehghan (Farahani, 85), Taheran, Abadi, Laksar (Khabibinejad, 79), Khodadadi, Simisterra (Jabireh, 79.
Persepolis — Niazmand, Sahraei, Kanani, Abarghouei, Ahmadzoda, Bakich, Sarlak (Mohammadi, 73), Kazemian (Khodabandelu, 46), Alishah (Sadeghi, 73), O‘runov (Rafiei, 62), Alipourghara.
Ogohlantirish — Mardden (90).
Eslatib oʻtamiz, avvalroq «Manchester Siti» himoyachisi Abduqodir Husanovning «Napoli»ga qarshi o’yindagi statistikasi haqida maʼlumot berilgandi.
