Toshkentning Yangihayot tumanida xususiy uylardan biri yonib ketdi

Toshkentning Yangihayot tumanidagi xususiy uylardan birida yong‘in sodir bo‘ldi. Bu haqda poytaxt Favqulodda vaziyatlar bosh boshqarmasi matbuot xizmati xabar berdi.

Voqea 27-sentabr kuni Yo‘ldosh mahallasining 11-dahasida sodir bo‘lgan. Yong‘in haqida navbatchilik qismiga soat 21:06 da xabar kelib tushgan.

Voqea joyiga soat 21:09 da yong‘in-qutqaruv ekipajlari yetib borgan. Soat 21:23 da ular yong‘inni qurshab olishga muvaffaq bo‘lgan, soat 21:37 da esa yong‘in to‘liq bartaraf etilgan.

Hodisa oqibatida hech kim jabrlanmagan.

Avvalroq Kursiv Uzbekistan Andijondagi gaz quyish shoxobchasida yong‘in yuz bergani haqida xabar bergan edi.